Ertiske Kýrchatov qalasynyń káriz sýy aǵyp jatyr

Foto: ashyq derekkóz

Abaı oblysy Kýrchatov qalasynan aǵyp shyǵatyn qaldyq sýlar Ertis ózenine quıylyp jatqany anyqtaldy. Jergilikti kommýnaldyq mekeme shahardaǵy qubyrlardyń tozyp ketkenin aıtady. Bul jaǵdaı Ertistiń sýyn tutynyp otyrǵan Pavlodar oblysynyń halqyna aıtarlyqtaı qaýip tóndirip otyr, dep jazdy qandastar.kz

Pavlodar oblysy jer qoınaýyn paıdalaný, qorshaǵan orta jáne sý resýrstary basqarmasy Kýrchatov qalasyndaǵy káriz sýlary Ertis ózenine quıylyp jatqanyn rastady. Belgili bolǵandaı, «Kýrchatov Vodokanal» mekemesine qarasty káriz júıesiniń jerastyndaǵy qubyrlary jarylyp, saldarynan qaldyq sý ózenge tolassyz aǵyp ketip jatyr.

– Kýrchatov qalasynan Ertis ózenine aǵyndy sýlardyń aǵýy týraly beınematerıal boıynsha Abaı oblysynyń ekologııa departamenti shyǵaryndylar ornyna arnaıy bardy. Aǵyndy sýlardy aǵyzý deregi rastaldy. Osyǵan oraı ShJQ «Kýrchatov Vodokanal» KMK-ǵa qatysty tekseris júrgiziletin bolady, – dep habarlady basqarmadan.

Türkistan.kz habarlaǵandaı,  Pavlodar qalalyq sanıtarlyq-epıdemıologııalyq baqylaý basqarmasy Ertis ózeninen hımııalyq, bakterıologııalyq jáne parazıtologııalyq kórsetkishteri boıynsha sý synamalaryn aldy. Taldaý nátıjeleri shamamen beısenbi kúni belgili bolady.

Aıtyp ótý kerek, Kýrchatov qalasy Ertis ózeniniń joǵarǵy jaǵynda, Pavlodar oblysyna jaqyn ornalasqan.