Erjan Sádenov «Aýyl» partııasynyń betin qaıtaryp tastady

Foto: Áshkere telegram arnasy

Ishki ister mınıstri Erjan Sádenov «Aýyl» partııasynyń betin qaıtaryp tastady. Buǵan deıin partııa depýtattary «iship alyp rólge otyratyndarǵa keńshilik jasaıyq» degen-tin.

Mınıstr mas kúıde kólik júrgizgenderdi keshirý nemese jazasyn jeńildetý qoǵamǵa jasalǵan qııanat dep otyr, dep jazdy qandastar.kz

«Kólikti ishimdik iship basqarǵandarǵa qatysty qazirgi jaza ádil ári zańdy qurmetteýge tárbıeleıtin shara. Jeńildik jasaýǵa negiz joq», – deıdi mınıstr.

Áshkere telegram arnasy habarlaǵandaı,
kezinde mas kúıinde kólik basqarǵandar 1 jylǵa deıin «pravodan» aıyrylatyn. Sońǵy ózgeristerden keıin bul merzim 7 jylǵa deıin ulǵaıtylǵan edi.

Sonyń arqasynda keıingi kezde mas kúıde kólik júrgizgender sany 14 paıyzǵa azaıypty. 2019 jyly 28 myń oqıǵa bolsa, bıyl bul kórsetkish 🚓 24 myńǵa deıin tómendegen.

«Zańdaǵy jazanyń qatańdyǵy qoǵamdy tártipke shaqyryp, apattyń aldyn alýǵa sep bolyp otyr», – deıdi mınıstr.

Aıtýynsha, damyǵan elderde kólikti iship aıdaıtyndarǵa aıaýshylyq tanytpaıdy. Japonııada mas júrgizýshiniń ózin ǵana emes, kólikke birge otyrǵan jolaýshylardy da jazaǵa tartady. Malaızııada tipti júrgizýshiniń jubaıyn da qamap tastaýy múmkin. Qytaıda ajalǵa sebep bolǵan júrgizýshige ólim jazasy qoldanylady. Belarýste tap sol arada kólikti tárkilep, memlekettiń balansyna ótkizedi eken.

Osylaısha kólikti iship aıdaǵany úshin «pravasynan» aıyrylǵan qaýymnyń úmiti úzildi. «Máshnege otyrmaı turyp, oılaný kerek edi» deıdi mınıstr Sádenov.