«Esek, tur aıaǵyńdy bas, júr!»: Túrkistan oblysynda er adam óz ákesin aıaýsyz uryp, balaǵat sózder aıtqan

Áleýmettik jelide taraǵan vıdeodan er adamnyń aıaǵyna tura almaǵan qarııaǵa jekip sóılep, ony julqyp jatqanyn kórýge bolady. Tipti sabap jatqan dybystar estilgen, dep habarlaıdy Qandastar.kz.

Jeli qoldanýshylarynyń aıtýynsha, jaǵaustatarlyq jaǵdaı Túrkistan oblysynyń Shardara qalasynda bolǵan.

Er adam jýyndyrǵaly jatqan qartty balaǵattap, “eki qabyrǵańdy syndyramyn” dep qorqytty. Endi bir kadrdan aqsaqaldyń joldyń ústinde aıaqqa tura almaı otryǵanyn kórýge bolady.

“Tur, turmaısyń ba, taǵy uramyn. Esek, tur aıaǵyńdy bas, júr”, – dep áıeldi kómekke shaqyryp, qarııany súırep alyp ketti.

Avtor vıdeony jasyryn túsirgen. Úshinshi kadrda adamdaryń ne istep jatqany anyq kórinbegenimen, soqqynyń dybysy shyǵyp jatty.

Aýzynan aq ıt kirip, kók ıt shyqqan er adam qartty turǵyza almaı álek. Onyń janynda júrgen áıeldiń de qarııany uryp-soǵyp, dórekilik tanytqany aıqyn kórinedi.

Túrkistan oblysy polıııa departamenti bolǵan jaǵdaıǵa qatysty qylmystyq is qozǵady.

“Kúdikti ustalyp, ýaqytsha ustaý ızolıatoryna qamaýǵa alyndy. Bolǵan oqıǵanyń mán-jaıy anyqtalyp jatyr. Qajetti jedel-tergeý sharalary júrgizilýde, onyń nátıjeleri boıynsha tıisti sheshim qabyldanatyn bolady. Qylmystyq proessýaldyq kodekstiń 201-babyna sáıkes tergeý múddesindegi ózge de aqparattar jarııa etilýge jatpaıdy”, – dep málimdedi polıııa.

Bul vıdeo jeli qoldanýshylarynyń jaǵasyn ustatty. Olar úlken kisige qol kótergen erkekti jerden alyp, jerge saldy.

“Atańa ne isteseń, aldyńa sol keledi. Kórip ósken soń óz balań da sony qaıtarsyn, arsyz”, “Ananyń qarǵysy boq, ákeniń qarǵysy oq. Alla bersin jazasyn”, “Osy maldy asyraımyn dep bul áke qıyn zamanda ne kórmedi eken? Qartaıǵanda zeınetin kóremin dep oılady ǵoı”, “Qasynda uldary júr ǵoı,dál osy kúndi aldyńa alyp keledi, asyqpa, haıýan”, “Nege sonsha qatygez”, “Alla saqtasyn! Júregimniń aýyrǵany-aı”, – dep qynjyldy jelidegiler.