«Esepti fotoshoppen jabýǵa bola ma»: Jelide Túrkistan oblysyna qarasty aýdan ákiminiń fotosy qyzý talqyǵa tústi

Foto: Túrkistan oblysynyń ákimdigi

Jelide Túrkistan oblysy, Saıram aýdanynyń ákimi Arman Sábıtovtyń jasy 100-den asqan ájeni quttyqtaǵany túsirilgen foto tarady. Degenmen bul sýret kópshiliktiń kúdigin oıatty. Bul týraly qandastar.kz Stan.kz aqparat agenttigine silteme jasap habarlaıdy.

Ákim Arman Sábıtov aq jaýlyqty áje Qyzylkúl Qýandyqovany 1 qazan – Halyqaralyq qarttar kúni merekesimen arnaıy quttyqtap barǵan eken.

“Sizdiń árbir júrip ótken ómir jolyńyz óskeleń urpaq úshin óshpes ónege. Mine, búginde eńbegińizdiń zeınetin kórip otyrǵan shaqta da urpaqtaryńyzǵa izgi isterdiń jarqyn úlgisin kórsetip kelesiz. Qashanda shańyraǵyńyzdyń uıytqysy bolyp, shattyqtyń sáýlesin sebe berińiz. Otbasyńyzǵa bereke, birlik tileımin”, – delingen ákimniń jazbasynda.

Degenmen áleýmettik jelide taraǵan jazbadaǵy foto jeli qoldanýshylarynyń qyzý talqysyna tústi.

«Durys fotoshop qoldana alatyn adamdy jumysqa alasyzdar ma», «Fotoshop aman bolsyn dep tilek aıtyp otyr», «Mende jaqsy dızaınerdiń nómiri bar, qalasańyzdar bereıin», “Olar jaı ǵana esep úshin jumys isteıdi. Esepti fotoshoppen jabýǵa bola ma eken”, – dep jazdy olar.

Stan.kz tilshisi Túrkistan oblysynyń ákimdiginen atalǵan jaǵdaıdyń mán-jaıyn surap bildi. Ákimdik, munyń fotoshop emes ekenin aıtty. Sondaı-aq redakııamyzǵa fotoshop emes ekenin dáleldeý úshin vıdeosyn da joldady. 

Aıta keteıik, buǵan deıin 3 qazanda prezıdent Qasym-Jomart Toqaev barlyq máslıhat depýtattarynyń forýmynda sóz sóıledi. Prezıdent forýmda ózin bloger sanaıtyn keı adamdardyń ákimniń ár qadamyn ańdýdy ádetke aınaldyrǵanyn aıtty.