«ەشقانداي ويىن ەمەس, دالباسا اڭگىمە»: بيبىگۇل داۋلەتبەكقىزى سۋيتسيد جاساعان مەكتەپ وقۋشىلارىنا قاتىستى ويىن ءبولىستى

فوتو: جەكە قورىنان

تانىمال جۋرناليست بيبىگۇل داۋلەتبەكقىزى كوپقاباتتى ءۇيدىڭ شاتىرىنان سەكىرىپ كەتكەن مەكتەپ وقۋشىلارىنىڭ وقيعاسىنا قاتىستى پىكىر ءبىلدىردى. بۇل تۋرالى qandastar.kz   Stan.kz اقپارات اگەنتتىگىنە سىلتەمە جاساپ حابارلايدى.

اق وكىلى قاندى وقيعاعا جاۋاپسىز بولعان اتا-انالاردى كىنالادى.

“الماتىدا تاعى دا 12 جاسار قىز كوپ قاباتتى ۇيدەن سەكىرىپ قايتىس بولدى. ءبىر اپتانىڭ ىشىندە ءۇش قىزدىڭ سەكىرىپ ءولۋى — تراگەديا. بۇل بالالاردى ولىمگە يتەرمەلەپ جاتقان ەشقانداي دا ويىن ەمەس! دالباسا اڭگىمە! نەمقۇرايلىلىق! ءيا, وزدەرىڭىز جىبەرگەن قاتەلىكتەر. مەكتەپتەگى بۋلليڭ, ەسىرتكى زاتتار جانە لۋدومانيا. وسىلاي كەتە بەرەدى”, — دەپ جازدى جۋرناليست.

ءجۋرناليستىڭ سوزىنشە, بالالاردى بەتىمەن جىبەرگەن جۇمىسباستى اتا-انانىڭ كوبەيۋىنەن وسىنداي وقىس وقيعالار جيىلەپ كەتكەن.

“سەبەبىن تەرەڭنەن قازىڭىزدار! بالالارىڭىز سىزدەر جۇمىسباستى بولىپ جۇرگەندە دالادا نەبىر سۇمدىق قىلىقتاردى جاساپ جۇرگەنىن ۇمىتپاڭىزدار! انالار, سۋيتسيد جاساعان بالانىڭ ولىمىنە باسقانى كىنالاماڭىزدار! ولاردىڭ جاۋى – ەسىرتكى مەن لۋدومانيا. مىقتى بولساڭدار, وسى جىلاننىڭ باسىن شابىڭدار! بالاڭ اقشا سۇراي بەرسە, وسى ەكەۋىنىڭ بىرىمەن اۋىرادى دەپ ويلاڭدار!”, – دەدى قوعام بەلسەندىسى.

ەسكە سالايىق, بۇعان دەيىن الماتىدا ەكى وقۋشى قىز توعىزىنشى قاباتتان قۇلاپ مەرت بولدى. كەيىن وقۋشى قىزداردىڭ جاقىندارى ولاردى بۇعان نە يتەرمەلەگەنىن ايتقان ەدى. سونىمەن قاتار ولار مەكتەپتەردە تەلەفونعا تىيىم سالۋدى ۇسىندى.