«ەشكىم سەنگەن جوق»: سابينا التىنبەكوۆا جان سىرىن اقتاردى

قازاقستاندىق ۆولەيبولشى سابينا التىنبەكوۆا الەۋمەتتىك جەلىدەگى پاراقشاسىندا كاسىبي سپورتتاعى قيىن دا, قىزىقتى جولى تۋرالى ويىن ءبولىستى, دەپ جازادى Qandastar.kz 1bol.kz-كە سىلتەمە جاساپ.

ء«بىر كەزدەرى كىپ-كىشكەنتاي عانا سابينا سپورتزالعا جاياۋ باراتىن, سەبەبى اۆتوبۋس جانىنان توقتاماي وتە شىعاتىن.

ءاردايىم جاتتىعۋعا ەرتە كەلىپ, سوڭىنان كەتەتىنمىن. ماعان تالاي رەت: «بۇل سەنىڭ قولىڭنان كەلمەيدى, قاراشى, دوبىڭ ءتىپتى تورعا دا جەتپەيدى» دەيتىن. بىراق مەن تىنىمسىز ەڭبەكتەنىپ, سوڭىنا دەيىن كۇرەسسەم, ماقساتىما جەتەتىنىمدى ءبىلدىم.

جولىمدا ءتۇرلى ادامدار كەزدەستى: اراسىندا پەيىلى ناشارى دا, قىزعانىشقا تولى كوزقاراس تا بولدى. جاراتقان مەنىڭ ادالدىعىم مەن ەڭبەكقورلىعىمدى كورىپ, ءبىر كۇنى ماعان ەرەكشە مۇمكىندىك سىيلادى. سول ساتتەن باستاپ قىزعانىش تا, قىسىم دا ارتا ءتۇستى. سول سەكىلدى قولداۋشىلارىم دا كوبەيدى. ءبىرى مەنىڭ قادىرىم مەن ەڭبەگىمدى بارىنشا جوققا شىعارۋعا تىرىسسا, ەندى ءبىرى اقىلعا سالىپ: «ەشتەڭە جايدان-جاي بولمايتىنىن» ءتۇسىندى.

ماعان ەشقاشان اقشا دا, اتاق تا, ماراپات تا ماڭىزدى بولعان ەمەس. بار بولعانى سۇيگەن ىسىممەن اينالىسۋدى توقتاتقان ەمەسپىن. ماعان ەشكىم سەنگەن جوق, بىراق ءوز-وزىمە دەگەن سەنىم مەنى العا جەتەلەدى. قالعان دۇنيەلەر مەنى الاڭداتقان ەمەس.

ناتيجەسىندە شەتەلدىك كلۋبتاردان ءتيىمدى كەلىسىمشارتتار الدىم. كەي كوماندالاردا كاپيتاندىق قىزمەت تە اتقاردىم. ادەتتە سپورت الەمىندە شەتەلدەن كەلگەن سپورتشىعا كاپيتاندىقتى سەنىپ تاپسىرا بەرمەيدى. بىراق ومىردە مۇمكىن ەمەستىڭ ءوزى مۇمكىن. بىرەۋلەر مۇنى تەك «ساتتىلىك» دەپ ويلايتىن شىعار, مەيلى, بىراق مەن ءۇشىن ءوز جولىمنان تايماۋ ماڭىزدى. ويتكەنى رۋحى مىقتى ادام ەشقاشان قيىندىق پەن سىناقتان قورىقپايدى», — دەپ جازدى التىنبەكوۆا.

ايتا كەتەيىك, بىلتىرعى قازان ايىندا وتاندىق سپورتشى يندونەزيانىڭ «يوگا فەلكونس» كلۋبىمەن كەلىسىمشارتقا قول قويعان بولاتىن. بيىل اتالعان كوماندا ەلىنىڭ پرو-ليگاسىندا العاش رەت باق سىنايدى. التىنبەكوۆا قازىر ءوز كلۋبىنىڭ كاپيتانى.