«Esi durys emes»: Eki balasyn tunshyqtyryp óltirgen áıel jazadan qutyldy

Sot sheshimine sáıkes, áıel qylmys jasaǵan kezde esi durys emes dep tanyldy. Osyǵan baılanysty ol qylmystyq jaýapkershilikten bosatyldy, dep habarlaıdy Qandastar.kz aqparat portaly. 

Aqtóbede 29 jastaǵy áıel óz kámeletke tolmaǵan balalary — uly men qyzyn tunshyqtyryp óltirdi dep aıyptalǵan bolatyn (Qylmystyq kodekstiń 99-babynyń 3-bóligi — eki nemese odan da kóp adamdy óltirý).

«1996 jyly týǵan aıyptalýshy Qylmystyq kodekstiń 99-babynyń 3-bóligi boıynsha aıyptalǵan. Ol Qylmystyq kodekstiń 519 jáne 522-baptaryna sáıkes qylmystyq jaýapkershilikten bosatylady», — dep oqydy úkimdi sýdıa Nurlan Baqtyǵalıev.

Qaıǵyly oqıǵa 2025 jyldyń naýryzynda Aqtóbe oblysynyń Qandyaǵash qalasynda boldy. Jas áıel úsh jasar ulyn jáne on bir aılyq qyzyn jastyqpen tunshyqtyryp óltirgen.

Sot proesi barysynda sot-psıhıatrııalyq saraptama júrgizildi. Mamandar aıyptalýshyǵa sýııdtik baǵyttaǵy paranoıdty shızofrenııa dıagnozyn qoıdy. Saraptama qorytyndysy boıynsha, áıel psıhıkalyq aýytqýshylyqtan zardap shegedi, bul onyń óz áreketteriniń naqty mánin jáne qoǵamdyq qaýiptiligin túsiný qabiletin joqqa shyǵarady.

Sot áıeldi arnaıy medıınalyq mekemege májbúrlep emdeýge jiberý týraly sheshim qabyldady.