ەسىل وزەنى كوتەرىلدى

سولتۇستىك قازاقستان وبلىسىندا ەسىل وزەنى كوتەرىلە باستادى.

عابيت مۇسىرەپوۆ اۋدانىنا قاراستى توقسان بي اۋىلىنىڭ ماڭىندا سۋدىڭ دەڭگەيى 3 مەترگە جەتكەن. «بۇل مۇزدىڭ كوبەسىن سوگىپ, سەڭنىڭ جۇرۋىنە ىقپال ەتەدى», – دەيدى ماماندار.

سينوپتيكتەردىڭ بولجامى بويىنشا, ءبىر اپتادان كەيىن وزەن ارناسى سەرگەەۆ سۋ قويماسىن تولتىرىپ, بوگەت ۇستىمەن اعا باستايدى. قازىر وبلىس بويىنشا 19 گيدروبەكەت جۇمىس ىستەيدى. ماماندار سۋدىڭ دەڭگەيى مەن جىلدامدىعىن كۇنىنە بىرنەشە رەت ولشەيدى.

ايتا كەتەيىك, وڭىردە ەرتەڭنەن باستاپ كۇن كۇرت جىلىنىپ, سىناپ باعاناسى 15 گرادۋسقا دەيىن كوتەرىلەدى. قىمبات مەرعالىموۆا, «قازگيدرومەت» مكك سقوف ديرەكتورى: – سەرگەەۆ قويماسىنداعى سۋدىڭ بوگەتتەن اسىپ توگىلۋىنە 69 سانتيمەتر قالدى. بۇل كوكتەمگى تاسقىننىڭ بەلسەندى كەزەڭى باستالدى دەگەن ءسوز. قازىر ەسىل وزەنىنىڭ بويىنداعى 30 ەلدى مەكەنگە قاۋىپ ءتونىپ تۇر.