«Esinen tandyratyn zat bergen»: Jambyl oblysynda áıel oqýshy qyzyn jigitter toptasyp zorlap ketkenin málimdedi

Jambyl oblysynyń turǵyny Aıgúl Qonqashova 14 jastaǵy qyzyn jigitter toptasyp zorlaǵanyn málimdedi,-dep habarlaıdy Qandastar.kz

Sózinshe, sumdyq jaǵdaıdyń bolǵanyna eki apta ótse de, kúdiktilerdiń eshqaısysy qamalmaǵan. Osylaısha is jyly jabyla ma dep qorqady. Aıtýynsha 8-synyptaǵy qyzǵa aıýandyq jasaǵandar esten tandyratyn belgisiz zat berip, onymen jynystyq qatynasqa túsken

Áıeldiń sózinshe, tún ortasynda qyzynyń tóseginde joq ekenin baıqap, sharq uryp izdeıdi. Biraq aqyry baılanysa almaı, tańdy kózben atyryp kóshege shyqqan. Sol kezde aýladaǵy oryndyqta qyzynyń súlesoq jatqanyn ańǵarǵan. Qımylsyz qyzyn qushaqtap, aýrýhanaǵa jetkizedi. Oqýshyny teksergen mamandar saraptama taǵaıyndaǵan.

Aıgúl Qonqasheva sol túni qyzyn tanys jigiti úıden shyǵýǵa kóndirgen dep otyr. Keıin kólikte taǵy úsh jigit bolǵan deıdi. Aıtýynsha, jas shamalary 17, 18, 20, 25-tegi jigitter 8-synyp oqýshysyna oıyna kelgenin istep, tań sáride es-tússiz kúıde esik aldyna ákelip tastaǵan.

“Qyzym esin bilmeıdi. Mas adamnyń býyn-býyny istemeıdi ǵoı, týra sondaı. Ishimdikten buryn, sıntetıkalyq esirtkiniń bary zár arqyly saraptamadan shyqty. Narkolog, bárine analız ótkizdik sol kúni. Bul jerde toptasyp zorlaý bolyp tur ǵoı”, – dedi qyzdyń anasy Aıgúl Qonqashova.

Qyzdyń týystary kúdiktilerdiń bostandyqta júrgenin aıtady. Al polıııa tek saraptamadan soń ǵana sheshim qabyldaımyz dep shyǵaryp salǵan.

“Men senderdiń tergeýshilerińe qanaǵattanbaımyn, balalar. Bul ne degen sumdyq?! Kámeletke tolmaǵan qyz osyndaı jaǵdaıǵa túsip jatyr. О́zderi alyp ketti, zorlady, ákelip tastady. Endi nege qamalmaıdy degenimde maǵan sol Erjan “apa, qamalǵanda sizge ne paıda” dep aıtty”, – dedi qyzdyń apasy Aıbarshyn Shalova.

Al bar ókpesin aıtqan jábirlenýshiniń týystary prokýratýradan tergeýshilerdiń dórekiligi, bala quqyǵyn qorǵaý boıynsha komıssııanyń kelmeýi, istiń sozbaqqa salyný sebebin surady.

“Sol kúni aýdandyq polıııa bóliminde Qylmystyq kodekstiń 122-baby, birinshi bólimimen is qozǵalǵan. Qazir sot saraptamalary taǵaıyndalǵan. Jábirlenýshi aıtyp otyrǵan barlyq suraq, ýáji eskerýsiz qalmaıdy. Ony men prokýror retinde nazarǵa alamyn”, – dedi Qordaı aýdanynyń prokýrory Birlik Izbasarov.

Sozbaqqa salynǵan saraptama qorytyndysy shyqpaı turyp qyzǵa qansha jigit ozbyrlyq jasaǵanyn bile almaımyz. Al qyzdyń anasy bul istiń ógiz aıańǵa salynýynyń syry jynystyq qatynasqa tústi degen jigitterdiń sanyn azaıtý dep túsinedi.