«ەسىرتكى بەرگەن»: پاۆلوداردا وقۋشىنى زورلاعان فۋتبول مەنەدجەرى سوتتالدى

فوتو: اشىق دەرەككوز

قىلمىستىق ءىستى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتى قارادى, دەپ حابارلايدى qandastar.kz Pavlodarnews.kz-كە سىلتەمە جاساپ.

فۋتبول كلۋبنىڭ 30 جاستاعى مەنەدجەرىنە قىلمىستىق كودەكستىڭ ەكى بابى بويىنشا (سەكسۋالدىق سيپاتتاعى زورلىق-زومبىلىق ارەكەتتەرى جانە ەسىرتكى قولدانۋعا يتەرمەلەۋ) ايىپ تاعىلدى. ءبىرىنشىسى بويىنشا, ول بۇكىل ءومىرىن تۇرمەدە وتكىزۋگە ءماجبۇر بولادى.

– قىلمىستىق كودەكستىڭ 121-بابىنىڭ 4-بولىگى بويىنشا ءومىر بويى باس بوستاندىعىنان ايىرۋ جانە پەداگوگيكالىق قىزمەتپەن, كامەلەتكە تولماعاندارمەن بايلانىستى لاۋازىمداردى اتقارۋ قۇقىعىنان ءومىر بويىنا ايىرۋ جازاسى تاعايىندالسىن.

– قىلمىستىق كودەكستىڭ 299-بابىنىڭ 3-بولىگىنىڭ 1 جانە 2-تارماقتارى بويىنشا سەگىز جىلعا باس بوستاندىعىنان ايىرۋ. قورىتىندى جازا رەتىندە ءومىر بويىنا باس بوستاندىعىنان ايىرۋ تاعايىندالسىن, – دەپ جاريالادى سوت قۇداباي سۇلتانوۆ.

ەر ادام جازاسىن قىلمىستىق-اتقارۋ جۇيەسىنىڭ توتەنشە قاۋىپسىز مەكەمەسىندە وتەيتىن بولادى. جابىرلەنۋشى تاراپ سونداي-اق ءۇش ميلليون تەڭگە كولەمىندە تالاپ-ارىز بەردى.

ايتا كەتەيىك, وتكەن جىلدىڭ 1 قىركۇيەگىندە كلۋب مەنەدجەرى الاياقتىق جولمەن 10 جاستاعى قىزدى قوناقۇيگە الىپ بارىپ, ونى اكىمشىگە قارىنداسى رەتىندە تانىستىرعان. ءىس ماتەريالدارىنان بەلگىلى بولعانداي, بۇعان دەيىن پاۆلودارلىق ازامات تانىسىمەن كەزدەسىپ, ىشىمدىك ىشكەن, كەيىن پسيحوتروپتىق زاتتار قولدانعان. قوناقۇي بولمەسىنە قالاي تۇسكەنى ەسىندە جوق. ەسىن جيعاندا ءوزىنىڭ مايكا مەن شالباردا, ال بالانىڭ فۋتبولكا مەن شالبارسىز ەكەنىن بايقاعان.

تەرگەۋ بارىسىندا قىز پەداگوگ-پسيحولوگقا قاتتى قورىققاندىقتان ايعايلاي الماعانىن, جىلاعانىن, ال ەر ادامنىڭ ونىڭ اۋزىن قولىمەن جاۋىپ ۇستاعانىن ايتىپ بەرگەن. سوندىقتان بولمەدەن ەشقانداي ايعاي-شۋ ەستىلمەگەن. بولمەدە مەنەدجەر تەك ءوزى مەفەدرون قولدانىپ قويماي, سونىمەن قاتار پسيحوتروپتىق زاتتى قىزدىڭ مۇرنىنا كۇشتەپ سەپكەن, وسىنىڭ سالدارىنان قىزدىڭ جاعدايى ناشارلاعان.