«Esirtki berip, jabylyp zorlaǵan»: Aqtaýdaǵy jas qyzdyń ólimine qatysty tyń derekter shyqty

Foto:

Aqtaýda kóz jumǵan Alına esimdi qyzdyń ólimine qatysty jańa málimetterdi anyqtaldy, dep jazady qandastar.kz

Portaldyń jazýynsha, ZTB NEWS ınstagram paraqshasynda jas qyzdyń ólimine qatysty tyń derekter jarııalanǵan.

Oqıǵa qalaı bolǵan?

Byltyr mamyrda qyz ózine-ózi qol jumsaǵan. Qaıǵyly jaǵdaıǵa deıin birneshe kún buryn ol aýyr qylmystyń qurbany bolǵan. Mefedron qoldanǵan beıtanys er adamdar oǵan shabýyl jasap, urlap áketip, soqqyǵa jyqqan, keıin zorlap, eki mıllıon teńgege nesıe rásimdeýge májbúrlegen.

Marqumnyń týystary ne deıdi?

Alınanyń ápkesi basylymǵa eksklıýzıv suhbat berip, oqıǵanyń mán-jaıyn jáne sot sheshimi nelikten ádiletsiz bolǵanyn aıtty.

Alına sportshy bolǵan, fıtnes jattyqtyrýshysy bolyp jumys istegen. Ol óz jumysyn jaqsy kórip, sporttyq sharalar men marafondarǵa jıi qatysqan.

«14 mamyrda ol jumystan keıin úıge jalǵyz qaıtyp kele jatqan. Sol ýaqytta beıtanys bes er adam ony baıqap, shabýyl jasap, kúshpen kólikke otyrǵyzǵan. Tergeý kezinde qylmyskerler onyń qyz ekenin bilmegenin, jigit dep oılaǵanyn aıtyp aqtaldy», – dedi marqumnyń ápkesi.

Olar qyzdy túni boıy azaptap, qorqytqan, zorlyq-zombylyq kórsetken, janarmaı beketinde kúshpen ustap otyrǵan. Qylmyskerlerdiń barlyǵy mefedron qoldanǵan. Keıin olar Alınany da esirtki qabyldaýǵa májbúrlep, zorlaǵan.

Qylmyskerler kimder?

Kúdiktilerdiń biri – 1991 jyly týǵan er adam, úılengen, bala tárbıelep otyr. Tergeý kezinde ol alǵash ret mefedron qoldanyp kórgenin aıtyp, eshteńe esinde joq ekenin alǵa tartqan. Ol kinásin moıyndamaǵan. Qalǵan tórteýi qylmystyń barlyq egjeı-tegjeıin aıtyp bergen.

Tań atqan soń qylmyskerler qyzdy óziniń telefonynan eki mıllıon teńge nesıe rásimdeýge májbúrlegen. Keıin bul aqshany bazardaǵy tanystary arqyly sheship alǵan.

Sodan soń qyzdy qalaǵa ákelip, bireýge aıtsa, óltiretinin aıtyp qorqytqan.

«О́zine qol jumsamastan buryn Alına bárin qurbysyna aıtyp bergen. Qurbysy aǵasyna aıtýǵa kóndiredi. Alına qylmyskerlerdi jazalaý úshin sońyna deıin baratynyn aıtqan. Aǵasy bul týraly anasyna aıtýdy suraǵan, biraq Alına uıalǵan», – dedi marqumnyń ápkesi.

Bul sumdyqqa kóne almaǵan qyz qurbysynyń kóz aldynda terezeden sekirip ketken.

«Alına óz jumysyn jaqsy kóretin, saıahattaýdy armandaıtyn. Bos ýaqytynda kitap oqyp, fılmder kóretin. Onyń marafondardan alǵan medaldary kóp», – dedi ápkesi.

Is sotqa jetken, biraq marqumnyń týystary qylmyskerlerge qatań jaza taǵaıyndaýdy talap etip otyr.

«Biz basty qylmyskerdi ómir boıyna bas bostandyǵyn aıyrýdy, qalǵan tórteýine 15-20 jyl jaza suraımyz», – dedi Alınanyń ápkesi.

Sot sheshimi týraly

Sot jabyq rejımde ótken. Marqumnyń týystarynyń aıtýynsha, sot proesinde sýdıa aıypty qaıta qaraǵan, sebebi qyz ózine-ózi qol jumsaǵan. Qaıtys bolǵan qyzdyń týystary apellıaııaǵa bergen. Olardyń aıtýynsha, tórt qylmysker birneshe jyldan keıin shartty túrde merziminen buryn bosap shyǵýy múmkin.

Olar qylmyskerlerde ınternetke kirý múmkindigi bar ekenin de aıtyp otyr. Alınanyń ápkesiniń sózinshe, olar áleýmettik jelilerde belsendi, óz paraqshalaryn júrgizip otyr.

«Lada» basylymynyń málimetinshe, Mańǵystaý oblysynyń prokýratýrasy qyzdyń ólimine qatysty sot úkimine apellıaııalyq ótinish bergen. Vedomstvo kinálilerge jazany qatańdatýdy talap etip otyr.

Vedomstvo málimetinshe, 2024 jylǵy jeltoqsanda Mańǵystaý oblysynyń qylmystyq ister jónindegi mamandandyrylǵan aýdanaralyq soty marqumǵa jasalǵan qylmystar jıyntyǵy boıynsha basty kúdiktige 20 jyl, al onyń tórt sybaılasyna 7 jyldan 8,5 jylǵa deıingi jaza taǵaıyndaǵan.

Prokýror sot jaryssózinde basty kúdiktige ómir boıy bas bostandyǵynan aıyrý, al qalǵandaryna 15-16 jyl jaza suraǵan.

Eske salaıyq, buǵan deıin Aqtaýda birneshe er adam boıjetkendi urlap áketip, mefedron berip, qorlyq kórsetkeni habarlandy. Jantúrshigerlik jaıt týraly NeMolchı.kz qory málimdedi.