ەسىرتكىنى تاماققا جاسىرىپ, تەرگەۋ يزولياتورىنا وتكىزبەك بولعان تۇرعىن ۇستالدى

فوتو: اشىق دەرەككوز

ەلىمىزدىڭ تەرگەۋ يزولياتورلارىندا سوتتالۋشىعا ۇيدەن پىشاق تۇگىلى, سۇيىكتى تاعامىن دا الدىرۋ قيىنعا سوعاتىنى بەلگىلى بولدى, — دەپ حابارلايدى qandastar.kz.

استانا قالاسى بويىنشا قاج دەپارتامەنتىنە قاراستى No64 مەكەمەسىنىڭ جەدەل ءبولىم قىزمەتكەرلەرى ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرىمەن بىرلەسكەن جەدەل-ىزدەستىرۋ ءىس-شارالارى بارىسىندا كەلۋشىنىڭ تەرگەۋ يزولياتورىنا ەسىرتكى الىپ وتپەك بولعانىن انىقتادى.

كەلۋشى ايەل تۇتقىنعا ءدامدى بۇرىش وراماسىن اكەلگەن, ال ولاردىڭ ىشىنەن فولگاداعى ماريحۋانا تابىلعان, شامامەن بەس جارىم گرامم.

قازىر استانا پوليتسيا دەپارتامەنتىنىڭ بايقوڭىر اۋداندىق پوليتسيا ءبولىمى قازاقستان رەسپۋبليكاسى قىلمىستىق كودەكسىنىڭ 297-بابىنىڭ 1-بولىگى «وتكىزۋ ماقساتىندا زاڭسىز ءوندىرۋ, قايتا وڭدەۋ, يەمدەنۋ, ساقتاۋ, تاسىمالداۋ, ەسىرتكى قۇرالدارىن, پسيحوتروپتىق زاتتاردى, سول تەكتەستەردى بەرۋ نەمەسە وتكىزۋ» بويىنشا ءىس قوزعادى.

بۇل — زاڭ بويىنشا 5 جىلدان 10 جىلعا دەيىن باس بوستاندىعىنان ايىرىلۋعا اكەلەتىن قىلمىس.