ەسكەرتكىش قۇلاپ, قايتىس بولعان قىزدىڭ اكەسى: «اكە» دەپ ايعايلاعان قىزىمنىڭ داۋىسىن ەستىدىم

ۇلىنىڭ باسى دا, قولى دا ەسكەرتكىشتىڭ استىندا قالعان.اتىراۋ قالاسىنداعى جەڭىس ساياباعىندا ۇستىنە ەسكەرتكىش قۇلاپ, قايتىس بولعان قىزدىڭ اكەسى وقيعانىڭ قالاي بولعانىن ايتىپ بەردى,-دەپ حابارلايدى Qandastar.kz

قىزدىڭ اكەسى ايدوس سابىروۆتىڭ ايتۋىنشا, 25 ماۋسىمدا ساعات 21:30 شاماسىندا, ول ۇلى مەن قىزى ايارۋدى جەڭىس ساياباعىندا سەرۋەندەتىپ جۇرگەن. ايدوس پەن قىزى ۆەلوسيپەدتى جالعا الىپ, ال ۇلى ءوزىنىڭ كىشكەنتاي ۆەلوسيپەدىن تەپكەن.

«ولار ساياباقتىڭ ىشكى جاعىنا كىرىپ كەتتى. ارتىنشا كۇتپەگەن جەردەن جاڭبىر جاۋا باستادى. الدىمەن ءبىز اعاشتىڭ استىنا تىعىلدىق. سودان كەيىن قىزىم توڭا باستادى, مەن جەيدەمدى شەشىپ, وعان كيگىزدىم. مالمانداي سۋ بولعاننان كەيىن, قىزىم دىرىلدەي بەردى. سوسىن ونى كوتەرىپ, ۇلىمدى ارتىمنان ەرتىپ پاركتىڭ شىعا بەرىسىنە بەتتەدىك. شامامەن 50 مەتر قالعاندا قاتتى جەل كوتەرىلىپ, اۋىر زاتتار ۇشىپ كەتە باستادى, وسىلايشا ءبىز ەسكەرتكىشتەردىڭ ءبىرىنىڭ ارتىنا تىعىلۋدى شەشتىك. جەلدىڭ قاتتى بولعانى سونشالىق, بيىك اعاشتار بۇگىلدى. كەنەتتەن مەن ارقامنان قاتتى سوققى سەزىندىم. كوزدەرىم قاراڭعىلانىپ, ءولىپ جاتىرمىن دەپ ويلادىم, دۇعا وقي باستادىم. بىراق كەنەتتەن مەن «اكە» دەپ ايعايلاعان قىزىمنىڭ داۋىسىن ەستىدىم, سودان كەيىن مەن وزىمە كەلدىم, بىلمەيمىن, اللا ماعان كۇش بەردى. ول مەنى وياتىپ, كوزىن جۇمدى. مەن مۇقيات قاراپ, ۇشەۋىمىزدىڭ ۇلكەن تاستىڭ استىندا جاتقانىمىزدى ءتۇسىندىم», – دەيدى ايدوس سابىروۆ