Eskertkish qulap, qaıtys bolǵan qyzdyń ákesi: «Áke» dep aıǵaılaǵan qyzymnyń daýysyn estidim

Ulynyń basy da, qoly da eskertkishtiń astynda qalǵan.Atyraý qalasyndaǵy Jeńis saıabaǵynda ústine eskertkish qulap, qaıtys bolǵan qyzdyń ákesi oqıǵanyń qalaı bolǵanyn aıtyp berdi,-dep habarlaıdy Qandastar.kz

Qyzdyń ákesi Aıdos Sabyrovtyń aıtýynsha, 25 maýsymda saǵat 21:30 shamasynda, ol uly men qyzy Aıarýdy Jeńis saıabaǵynda serýendetip júrgen. Aıdos pen qyzy velosıpedti jalǵa alyp, al uly óziniń kishkentaı velosıpedin tepken.

«Olar saıabaqtyń ishki jaǵyna kirip ketti. Artynsha kútpegen jerden jańbyr jaýa bastady. Aldymen biz aǵashtyń astyna tyǵyldyq. Sodan keıin qyzym tońa bastady, men jeıdemdi sheship, oǵan kıgizdim. Malmandaı sý bolǵannan keıin, qyzym dirildeı berdi. Sosyn ony kóterip, ulymdy artymnan ertip parktiń shyǵa berisine bettedik. Shamamen 50 metr qalǵanda qatty jel kóterilip, aýyr zattar ushyp kete bastady, osylaısha biz eskertkishterdiń biriniń artyna tyǵylýdy sheshtik. Jeldiń qatty bolǵany sonshalyq, bıik aǵashtar búgildi. Kenetten men arqamnan qatty soqqy sezindim. Kózderim qarańǵylanyp, ólip jatyrmyn dep oıladym, duǵa oqı bastadym. Biraq kenetten men «áke» dep aıǵaılaǵan qyzymnyń daýysyn estidim, sodan keıin men ózime keldim, bilmeımin, Alla maǵan kúsh berdi. Ol meni oıatyp, kózin jumdy. Men muqııat qarap, úsheýimizdiń úlken tastyń astynda jatqanymyzdy túsindim», – deıdi Aıdos Sabyrov