جاڭالىقتار
ەسكەرتكىشتەر اۋماعى اباتتاندىرىلدى
سەمەيدىڭ ولكەتانۋشىلار بىرلەستىگى ايماقتاعى كونە عيماراتتاردىڭ ءتىزىمىن جاساپ تانىستىردى. وعان ون توعىزىنشى عاسىردىڭ ەكىنشى جارتىسىنداعى 58 عيمارات ەنگىزىلگەن.
ولاردىڭ قاتارىندا ەلىمىزدەگى ەڭ ءبىرىنشى ساۋدا بانكىنىڭ, بۇرىنعى قىتاي ەلشىلىگىنىڭ عيماراتتارى بار. جالپى, اباي وبلىسىندا 410 جەرگىلىكتى, 13 رەسپۋبليكالىق ماڭىزدى تاريحي ەسكەرتكىشتەر بار. ەلىمىز بويىنشا قارقىندى ءجۇرىپ جاتقان «تازا قازاقستان» اكتسياسى اياسىندا بۇگىن وبلىستىڭ مادەنيەت ۇجىمدارى اتاۋلى كۇنگە وراي ەسكەرتكىشتەردى جۋىپ, تازالادى.
مەيرامگۇل قايرامباەۆا, اباي مۋزەيى ديرەكتورىنىڭ ورىنباسارى: — ءبىزدىڭ مۋزەي قىزمەتكەرلەرىنىڭ وسى جۇمىسى ءبىزدىڭ بولاشاق ۇرپاققا ءبىر ۇلكەن ۇلگى بولادى دەپ دەگەن سەنىمدەمىن. سونىمەن قاتار, ءبىزدىڭ ەلىمىزدە تاريحي – مادەني ەسكەرتكىشتەرگە ۇلكەن ءبىر قولداۋ كورسەتىپ, قامقورلىقپەن قارايدى دەگەن سەنىمدەمىن.
