«ەسترادادا قىزۋقاندى جىگىتتەر بار»: اقبوتا كەرىمبەكوۆا قاماۋعا الىنعان انشىلەر تۋرالى پىكىر ءبىلدىردى

قازاقستاندىق شوۋ-بيزنەس جۇلدىزى اقبوتا كەرىمبەكوۆا ۇستىنەن اكىمشىلىك ءىس قوزعالىپ, قاماۋعا الىنعان ونەردەگى ارىپتەستەرى قايرات نۇرتاس پەن ابدىجاپپارعا قاتىستى پىكىر ءبىلدىردى,-دەپ حابارلايدى Qandastar.kz

كەرىمبەكوۆا باسى داۋعا قالعان ارىپتەستەرىنە اراشا ءتۇسىپ, Instagram-داعى پاراقشاسىندا قولداۋىن جەتكىزدى. ءانشى ولاردى تەك جاقسى قىرىنان تانيتىنىن ايتىپ, ەكەۋى دە كىسى سىيلاي بىلەتىن جاندار ەكەنىن جەتكىزدى. الايدا شوۋ-بيزنەس وكىلى ەسترادادا قىزۋقاندى ازاماتتار بار ەكەنىن جوققا شىعارمادى.

«ادام تابىلسا, باپ تا تابىلادى» دەگەن زالىم ءسوزدى ەستىپ, قانداي ءمانى بۇزىق وي دەگەن ويعا قالعام. ادام تانيتىن جاسقا كەلدىك قوي. ءبىزدىڭ ەسترادادا قىزۋقاندى جىگىتتەر بار ەكەنى راس. ول قاسيەت قازىر وعاش كورىنگەنىمەن, بۇرىنىراق جىگىتكە ءتان مىنەز سانالاتىن عوي. بىراق, ءدال قايرات نۇرتاس پەن ءابدىجاپپار القوجا جانىنا تيمەسەڭ كوتەرىلە قويمايتىن ەڭ ءبىر ەلگەزەك, كىسى سىيلايتىن ىنىلەردىڭ قاتارىندا بولاتىن.
بىرىنەن سوڭ ءبىرىن توعىتاتىنداي بۇل نە جاعداي دەپ ويلانىپ وتىرمىن دا. كىمنىڭ قانداي پيعىلىن بۇركەلەمەۋ ءۇشىن 10-15 كۇن كەرەك بولدى ەكەن? ءومىر ءسۇرۋ قيىنداپ بارادى, سەن تيىسپەسەڭ ساعان ءتيىسىپ, سەن جەلىكپەسەڭ دە جەلىكتىرىپ وتىرادى. اقىرى جاقسى بولسىن دەيىك! جىگىتتەردى جارعا جىعا بەرۋ دۇرىس ەمەس! ەرەگەسكەندە قوعام نازارىن باسقا جاققا بۇرماي, قۋلىقتارعا كونبەي قويسا عوي, شىركىن! تىنىش جۇرىڭدەرش», بالدار-ءاي», – دەپ جازدى ونەر يەسى.