«Estradada qyzýqandy jigitter bar»: Aqbota Kerimbekova qamaýǵa alynǵan ánshiler týraly pikir bildirdi

Qazaqstandyq shoý-bıznes juldyzy Aqbota Kerimbekova ústinen ákimshilik is qozǵalyp, qamaýǵa alynǵan ónerdegi áriptesteri Qaırat Nurtas pen Ábdijapparǵa qatysty pikir bildirdi,-dep habarlaıdy Qandastar.kz

Kerimbekova basy daýǵa qalǵan áriptesterine arasha túsip, Instagram-daǵy paraqshasynda qoldaýyn jetkizdi. Ánshi olardy tek jaqsy qyrynan tanıtynyn aıtyp, ekeýi de kisi syılaı biletin jandar ekenin jetkizdi. Alaıda shoý-bıznes ókili estradada qyzýqandy azamattar bar ekenin joqqa shyǵarmady.

«Adam tabylsa, bap ta tabylady» degen zalym sózdi estip, qandaı máni buzyq oı degen oıǵa qalǵam. Adam tanıtyn jasqa keldik qoı. Bizdiń estradada qyzýqandy jigitter bar ekeni ras. Ol qasıet qazir oǵash kóringenimen, burynyraq jigitke tán minez sanalatyn ǵoı. Biraq, dál Qaırat Nurtas pen Ábdijappar Álqoja janyna tımeseń kóterile qoımaıtyn eń bir elgezek, kisi syılaıtyn inilerdiń qatarynda bolatyn.
Birinen soń birin toǵytatyndaı bul ne jaǵdaı dep oılanyp otyrmyn da. Kimniń qandaı pıǵylyn búrkelemeý úshin 10-15 kún kerek boldy eken? О́mir súrý qıyndap barady, sen tıispeseń saǵan tıisip, sen jelikpeseń de jeliktirip otyrady. Aqyry jaqsy bolsyn deıik! Jigitterdi jarǵa jyǵa berý durys emes! Eregeskende qoǵam nazaryn basqa jaqqa burmaı, qýlyqtarǵa kónbeı qoısa ǵoı, shirkin! Tynysh júrińdersh», baldar-áı», – dep jazdy óner ıesi.