Etke qonǵan shybynnan dert tarady

AQSh-ta alǵash ret adamnyń «et shybyny» (Cochliomyia hominivorax) dernásilderimen zaqymdaný jaǵdaıy tirkeldi, dep habarlaıdy Qandastar.kz BAQ.KZ-ke silteme jasap.

Aqparatty eldiń densaýlyq saqtaý jáne áleýmettik qyzmetter mınıstrligi málimdegen.

NBC News dereginshe, bul parazıt – et shybynynyń dernásilderi – iri qara malǵa qatty zııan tıgizýi múmkin jáne úı janýarlaryn da zaqymdaıdy. Ol Ortalyq Amerıkanyń keıbir aımaqtarynda keń taralǵan.

Bul usaq parazıttik shybyndardyń analyqtary kez kelgen jyly qandy janýarǵa jumyrtqa salady. Jumyrtqalardan shyqqan júzdegen dernásil ıesin zaqymdaıdy.

AQSh-tyń Aýrýlardy baqylaý jáne aldyn alý ortalyǵy men Merılend shtatynyń densaýlyq saqtaý departamenti 4 tamyzda Salvadorǵa barǵan turǵynnyń «et shybynynan» dert juqtyrǵanyn rastady.

Merılend densaýlyq saqtaý departamentiniń málimetinshe, naýqas aýrýdan aıyǵyp shyqqan.

Zertteý nátıjeleri ınfekııanyń basqa adamdarǵa nemese janýarlarǵa taralý belgilerin kórsetken joq, – delingen habarlamada.

AQSh Densaýlyq saqtaý mınıstrliginiń ókili Emılı G. Hıllıard:

Bul – mıazdyń (shybyn dernásilderiniń parazıttik zaqymdanýy) AQSh-ta tirkelgen birinshi jaǵdaıy. Ol aýrý oshaǵy anyqtalǵan elge jasalǵan sapardan keıin paıda boldy, – dedi.

1980–1990 jyldary Ortalyq Amerıkada bul derttiń jappaı órshýi oryn alǵan edi. Ony joıý úshin orasan qarajat jumsalǵanymen, sońǵy eki jylda qaıta tirkelip otyr.

AQSh pen Meksıkada parazıttiń taralýyna jol bermeý úshin mıllıardtaǵan sterıldi shybyn ósirilip, áýeden tastaý josparlanǵan. Bul ádis kezinde sterıldi atalyqtar analyqtarmen shaǵylysyp, jumyrtqadan dernásil shyqpaıdy. Nátıjesinde popýlıaııa azaıyp, joıylady. Bul tásil 1960 jyldary AQSh-ta et shybynynyń sońǵy órshýin toqtatýda tıimdi bolǵan.