ەتنيكالىق قازاق قىتايدا لاۋازىمدى قىزمەتكە تاعايىندالدى

قىتايداعى ەتنيكالىق قازاق ەربول زىقان ۇلى گانسۋ پروۆينتسياسىنىڭ چجانە قالاسىنا اكىم بولىپ سايلاندى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

ە.زىقان ۇلى 1973 جىلى مامىردا قىتايدىڭ التاي وڭىرىندە دۇنيەگە كەلگەن, جوعارعى ءبىلىمى بار. بۇعان دەيىن بۋىرشىن اۋدانىنىڭ اكىمى, التاي ايماعى اكىمشىلىك باسشىسىنىڭ ورىنباسارى سەكىلدى لاۋازىمدى قىزمەتتەر اتقارعان.

قىتاي باسىلىمى بۇعان دەيىن شىڭجاڭ ولكەسىنىڭ اۋديت باسقارماسىن باسقارعان زىقان ۇلىنىڭ 2024 جىلعى قازاندا قالالىق پارتيا كوميتەتى حاتشىسىنىڭ ورىنباسارى, قالا اكىمىنىڭ مىندەتىن اتقارۋشى بولىپ تاعايىندالعانىن جازعان.

چجانە – قىتايدىڭ سولتۇستىك-باتىسىنداعى گانسۋ پروۆينتسياسىنا قاراستى جەرگىلىكتى ماڭىزى بار قالا. جالپى جەر اۋدانى 39 436,53 شارشى شاقىرىم, تۇرعىلىقتى حالىق سانى 1,2 ملن-عا جۋىق, ونىڭ 97 پايىزى ەتنيكالىق قىتايلار. قالاعا تاۋەلدى سۋنان سارىۇيعىر اۆتونوميالىق اۋدانى قىتايدا عانا كەزدەسەتىن تۇركىتىلدەس سارىۇيعىر حالقىنىڭ تاريحي مەكەنى سانالادى. سونداي-اق قالا وكرۋگىندە دۇنگەن, موڭعول, تيبەت حالىقتارىنىڭ وكىلدەرى تۇرادى.