Etnıkalyq qazaq Qytaıda laýazymdy qyzmetke taǵaıyndaldy

Qytaıdaǵy etnıkalyq qazaq Erbol Zyqanuly Gansý provınııasynyń Chjane qalasyna ákim bolyp saılandy, dep habarlaıdy qandastar.kz Skifnews.kz aqparat portalyna silteme jasap.

E.Zyqanuly 1973 jyly mamyrda Qytaıdyń Altaı óńirinde dúnıege kelgen, joǵarǵy bilimi bar. Buǵan deıin Býyrshyn aýdanynyń ákimi, Altaı aımaǵy ákimshilik basshysynyń orynbasary sekildi laýazymdy qyzmetter atqarǵan.

Qytaı basylymy buǵan deıin Shyńjań ólkesiniń aýdıt basqarmasyn basqarǵan Zyqanulynyń 2024 jylǵy qazanda qalalyq partııa komıteti hatshysynyń orynbasary, qala ákiminiń mindetin atqarýshy bolyp taǵaıyndalǵanyn jazǵan.

Chjane – Qytaıdyń Soltústik-batysyndaǵy Gansý provınııasyna qarasty jergilikti mańyzy bar qala. Jalpy jer aýdany 39 436,53 sharshy shaqyrym, turǵylyqty halyq sany 1,2 mln-ǵa jýyq, onyń 97 paıyzy etnıkalyq qytaılar. Qalaǵa táýeldi Sýnan saryuıǵyr avtonomııalyq aýdany Qytaıda ǵana kezdesetin túrkitildes saryuıǵyr halqynyń tarıhı mekeni sanalady. Sondaı-aq qala okrýginde dúngen, mońǵol, tıbet halyqtarynyń ókilderi turady.