Euronews Aqtaýdaǵy ushaq apatyna reseılik zymyran sebep bolǵanyn jazdy

Foto: TJM

26 jeltoqsanda Ázirbaıjan úkimetiniń derekkózi Embraer E190AR ushaǵynyń Aqtaýda qulaýyna reseılik «jer-áýe» zymyrany sebep bolǵanyn rastady, dep habarlaıdy qandastar.kz aqparat portaly Euronews basylymyna silteme jasap.

Sheteldik basylym málimetinshe, zymyran 8432 reısine qarsy atylǵan, bul kezde Groznyı ústinde ushqyshsyz ushatyn apparattar áreket etken.

Derekkózder málimetinshe, «zymyran Groznyı ústinde drondarǵa qarsy sharalar kezinde 8432 reısine baǵyttalǵan, zymyran ushaqqa jaqyn jerde jarylyp, onyń synyqtary jolaýshylar men ekıpaj múshelerine tıgen” delingen habarlamada.

Ázirbaıjan úkimetindegi derekkózdiń Euronews-ke habarlaýynsha, zaqymdanǵan ushaq ushqyshtardyń shuǵyl qoný týraly ótinishine qaramastan, Reseıdiń eshbir áýejaıyna qonýǵa ruqsat etilmegen. Sondaı-aq olarǵa Kaspıı teńizi arqyly Qazaqstannyń Aqtaý qalasyna qaraı ushýǵa buıryq berilgen.

Qolda bar málimetterge sáıkes, ushaqtyń GPS navıgaııalyq júıeleri teńiz ústinde ushý barysynda tolyqtaı buǵattalǵany aıtylady.

Mundaı tujyrymdy buǵan deıin de álemdik medıalar jazǵan.