Eýropada 10 mıllıondaǵan adam jasandy ıntellekttiń kesirinen jumysynan aıyrylý qaýpinde tur

Foto: Pixabay.com

Dúnıejúzilik ekonomıkalyq forým Eýropada 2027 jylǵa qaraı 83 mıllıon jumys orny joıylady dep boljady. Mundaı ózgeristerdiń negizgi sebebi qarqyndy damyp kele jatqan jasandy ıntellekt bolmaq. Bul týraly  qandastar.kz  aqparat agenttigi Stan.kz saıtyna silteme jasap habarlaıdy.

Zertteýde 2027 jylǵa qaraı 69 mıllıonǵa deıin jańa jumys orny ashylýy múmkin ekeni aıtylǵan.

McKinsey kompanııasynyń Eýropadaǵy jumyspen qamtýdyń bolashaǵy zertteýi 2030 jylǵa qaraı 94 mıllıon eýropalyq jumysshy qaıta daıarlaýdan ótýi qajet dep boljaıdy. Sebebi robottarmen básekelestikke tótep bere almaıdy.

McKinsey meıramhana bıznesi jáne tamaq qyzmeti (94%), óner (80%), kóterme jáne bólshek saýda (68%), qurylys (58%) pen kólik jáne logıstıka (50%) salalaryndaǵylardyń jumyssyz qalý qaýpi joǵary ekenin aıtady.

Zertteýshiler 2030 jylǵa qaraı 21 mıllıon adamǵa mamandyǵyn ózgertýi qajet bolýy múmkin.

Eýropadaǵy eńbek ónimdiligi qazir Amsterdam, Kopengagen, London, Madrıd, Mıýnhen jáne Parıj sııaqty birneshe eńbek naryǵynda shoǵyrlanǵan. Bul qalalarda Eýropa halqynyń 20%-y ǵana turady.