Eýroparlament depýtaty Toqaevtyń Joldaýyna pikir bildirdi

Eýroparlament, Ortalyq Azııa elderimen baılanys jónindegi delegaııa tóraǵasy Tomash Zdechovskıı Memleket basshysy Qasym-Jomart Toqaevtyń Qazaqstan halqyna jasaǵan Joldaýyna qatysty pikir bildirdi.

Aıtýynsha, Joldaýda eldiń ekonomıkalyq damýy men saıası reformalarynyń jan-jaqty kózqarasy berilgen.

«Qazaqstan men Eýropalyq Odaq arasyndaǵy halyqaralyq qatynastardyń mańyzdylyǵyn jáne ınvestıııalar men eýropalyq tehnologııalardy almasý arqyly Qazaqstannyń jańa ekonomıkalyq baǵytyn qoldaýdaǵy EO áleýetin atap ótkim keledi. Qazaqstan — Eýropalyq Odaq úshin qundy áriptes. Bizde adam quqyqtary men zań ústemdigin qamtamasyz etýdi qosa alǵanda, ortaq maqsattar men qundylyqtar bar. Odaq Ortalyq Azııanyń turaqtylyǵy men órkendeýine eleýli úles qosady, al Qazaqstan aımaqta sheshýshi ról atqarady. 2015 jyly qol qoıylǵan EO men Qazaqstan arasyndaǵy Keńeıtilgen áriptestik pen yntymaqtastyq týraly kelisim (EPCA) — qarym-qatynasymyzdy odan ári nyǵaıtýǵa degen ortaq nıetimizdiń dáleli. Prezıdent Toqaevtyń Qazaqstannyń jańa ekonomıkalyq kelisimindegi ádildikke, ınklıýzıvtilikke jáne pragmatızmge basa nazar aýdarýy EO-nyń turaqty jáne ınklıýzıvti damý qaǵıdattaryna sáıkes keledi. Men Qazaqstannyń ekonomıkasyn ártaraptandyrý jónindegi talpynystarynan yntymaqtastyqtyń kóptegen múmkindigin kórip otyrmyn. Eýropalyq odaq ınvestıııa, tehnologııalar transferti men jańartylatyn energııa kózderi, ıfrlandyrý jáne kólik ınfraqurylymy sııaqty salalardaǵy saraptama arqyly Qazaqstannyń ekonomıkalyq ósýine úles qosa alady. Biz alǵa jyljyp kele jatqandyqtan, Qazaqstan men EO arasyndaǵy barlyq deńgeıdegi yntymaqtastyqty jandandyrý bizdiń ortaq maqsattarymyzǵa jetý úshin sheshýshi mánge ıe. Saýda, energetıka, bilim berý nemese mádenı almasý salasynda bolsyn, bizdiń seriktestik aımaqtyq turaqtylyq pen órkendeýdiń úlgisi bola alady. Sonymen qatar prezıdent Toqaevtyń jaýapty azamattyq ustanym men ortaq qundylyqtardyń mańyzdylyǵyn kórsetetin «Adal azamat» tujyrymdamasyna basa nazar aýdarǵanyna qýanyshtymyn. Eger Qazaqstandaǵy jáne EO-daǵy árbir adam osy qaǵıdattardy iske asyratyn bolsa, bizdiń qoǵamda ádildik pen órkendeý ornaıdy»,—dedi ol.