جاڭالىقتار
ەجەلگى ادامدار قانداي تاماق جەگەن?
وزىق تەحنولوگيالارعا نەگىزدەلگەن جوباعا وتاندىق عالىمدارمەن بىرگە جاپون ماماندارى دا قاتىسادى. ول ءۇشىن ارحەو-بوتانيكالىق ءادىس قولدانىلادى.
ارال ماڭىنان تابىلعان قىش ىدىستاردىڭ تۇبىندە قالعان تاعام قالدىقتارىن تالداۋ ارقىلى قولا جانە تەمىر داۋىرىندەگى تىنىس-تىرشىلىكپەن تەرەڭىرەك تانىسۋ جوسپارلانعان. ەجەلگى ادامداردىڭ كۇندەلىكتى اس ازىرلەۋ ءادىسى مەن ەگىن شارۋاشىلىعى تۋرالى تىڭ اقپاراتتار الۋعا بولادى.
ءۇش جىل بويى جالعاساتىن جوبانى جاپونيا قارجىلاندىرادى. نەگىزگى زەرتحانالىق جۇمىستار توكيو قالاسىنداعى مەيدزي ۋنيۆەرسيتەتى مەن تاستاردى زەرتتەۋ ورتالىعىنىڭ بازاسىندا جۇرەدى. جەتەسبي سۇلتانجانوۆ, ارحەولوگيا جانە ەتنوگرافيا ورتالىعىنىڭ عىلىمي قىزمەتكەرى: — قازىرگى ۋاقىتتا يسلام قۇرمانيازوۆ سول سالادا مامان بولىپ دايارلانۋدا جانە بۇل سونىڭ جاپون عالىمدارىمەن بىرلەسكەن جوباسى. مىسالى, بۇعان دەيىن كومىرتەكتىك تالداۋ ارقىلى ءبىز ەسكەرتكىشتىڭ ءدال مەرزىمىن انىقتاۋعا تىرىسساق, قازىرگى ۋاقىتتا ارحەو-بوتانيكالىق زەرتتەۋ ارقىلى اقپاراتتاردى ءدال الا الامىز.
