EJELGI ADAMDAR QANDAI TAMAQ JEGEN?

Ozyq tehnologııalarǵa negizdelgen jobaǵa otandyq ǵalymdarmen birge japon mamandary da qatysady. Ol úshin arheo-botanıkalyq ádis qoldanylady.

Aral mańynan tabylǵan qysh ydystardyń túbinde qalǵan taǵam qaldyqtaryn taldaý arqyly qola jáne temir dáýirindegi tynys-tirshilikpen tereńirek tanysý josparlanǵan. Ejelgi adamdardyń kúndelikti as ázirleý ádisi men egin sharýashylyǵy týraly tyń aqparattar alýǵa bolady.

Úsh jyl boıy jalǵasatyn jobany Japonııa qarjylandyrady. Negizgi zerthanalyq jumystar Tokıo qalasyndaǵy Meıdzı ýnıversıteti men tastardy zertteý ortalyǵynyń bazasynda júredi. Jetesbı Sultanjanov, arheologııa jáne etnografııa ortalyǵynyń ǵylymı qyzmetkeri: — Qazirgi ýaqytta Islam Qurmanııazov sol salada maman bolyp daıarlanýda jáne bul sonyń Japon ǵalymdarymen birlesken jobasy. Mysaly, buǵan deıin kómirtektik taldaý arqyly biz eskertkishtiń dál merzimin anyqtaýǵa tyryssaq, qazirgi ýaqytta arheo-botanıkalyq zertteý arqyly aqparattardy dál ala alamyz.