جاڭالىقتار
فاريزا ەسكەرمەس: «ءار ەكىنشى ەركەك — ابيۋزەر, 2-3 ايەل الۋ — قالىپتى نارسە»
فوتو: اشىق دەرەككوز
بەلگىلى ءانشى, اكتريسا فاريزا ەسكەرمەس جۋرناليست امان تاسىعانعا بەرگەن سۇحباتىندا ەركەكتەر تۋرالى ويىن اشىق ايتتى, دەپ جازادى qandastar.kz Alash.kz ۇلتتىق پورتالىنا سىلتەمە جاساپ.
«ءار ەكىنشى ەركەك قىزعانشاق, ابيۋزەر. راس پا? راس! ايەلدەرى دە, قىزدارى دا كوزدەرى جاۋتاڭداپ, اندا بارسا اندا, مىندا بارسا مىندا, ءوزىنىڭ پىكىرى جوق, جابىلعان كۇيىندە نە ىستەرلەرىن بىلمەي جۇرەدى. ونداي قىزدار وتە كوپ. سەنىمدىلىك جوق. ونداي جاعداي كوپ, جوق دەمەي-اق قويايىق. بۇل بىزدە بار ماسەلە. ءبىز ەركەكتەردىڭ سول قاتەلىگىن تۇسىندىرە الماي كەلە جاتىرمىز. بۇل وتباسىعا بايلانىستى. ءبارى وتباسىدان شىعادى. قازىر ءدىندارلار 3-4 ايەل الۋعا بولادى دەپ ايتادى. ەكىنشى, ءۇشىنشى ايەل الۋ قالىپتى نارسە دەيدى. بۇل دۇرىس ەمەس. ايەلىڭدى ءسۇي, سونى دالەلدە. ەكىنشى ايەل الۋ وڭاي. ال ءبىر ايەلمەن سوڭىنا دەيىن بولۋ — قيىن», — دەدى ءانشى.
