«Fatany pák qyz taǵady»: 52 jastaǵy anasynyń toıyn jasaǵan boıjetken jurtqa jaqpaı qaldy

Foto: vıdeodan skrın

Jelide 52 jastaǵy anasynyń toıynda án aıtqan boıjetkenniń vıdeosy tarady, dep habarlaıdy qandastar.kz Skifnews.kz aqparat portalyna silteme jasap. 

Boıjetkenniń aıtýynsha, anasy da baqytqa laıyq, jalǵyzdyq eshkimge jaraspaıdy.

Ákemizben 30 jastan endi asqanda ajyrasyp ketken. Kórmegeni joq. Eki qyzymdy ósiremin dep eshkimge qaramady. Bizdiń otbasymyz bar. Anamyz jalǵyz. Jalǵyzdyq Qudaıǵa ǵana jarasqan!, — dep jazdy qyzy.

Al jeli qoldanýshylarynyń jartysy bul kórinis týraly tamsana jazsa, endi biri úlken kisiniń aq kóılek kıgenin synap tastady.

«Qyzy boıjetken. Al sheshesi aq kóılek kıip, fata taqqan. Bul qalaı?», «О́neriń ústem bolsyn», «Týystardyń basyn qosyp, bir mal shalyp bata ala salsa bolmaı ma?», «52 jasta basqasha kıingen durys», «Aq kóılek pen fatany turmysta bolmaǵan pák qyz kıedi», «Sheteldikterge uqsap baramyz», dep jazdy olar.