جاڭالىقتار
«فەمينيستەردى قۋعانشا, سىرا ءۇشىن ولتىرىلگەن بالاعا نازار اۋدىرىڭىز»: جانار سەكەرباەۆا زايىتوۆقا شۇيلىكتى
فوتو: اشىق دەرەككوز
«Feminita» فەمينيستىك ۇيىمىنىڭ نەگىزىن قالاۋشى جانار سەكەرباەۆا ءوزىنىڭ جوباسىن ەكسترەميستىك دەپ تانۋ ۇسىنىسىنا تۇسىنىكتەمە بەردى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
ءوز بەينەجازباسىندا ول ەلىمىزدە فەمينيستەر مەن لگبت-دان باسقا ماسەلەلەر دە كوپ ەكەنىن ايتتى.
مەن ءبىزدىڭ دەپتۋتاتتاردىڭ, پارلامەنت مۇشەلەرىنىڭ جانە حالىق قالاۋلىلارىنىڭ فەمينيستىك, لگبت باستامالارىن ەكسترەميستىك دەپ تانۋ سياقتى ىستەرمەن اينالىساتىنىنا تاڭقالامىن. ءبىزدىڭ ەلىمىزدە كوپتەگەن پروبلەمالار بار. ماسەلەن دالاداعى مالدى قىرىپ جاتقان ورتتەرگە نازار اۋدارۋدى سۇرايمىن. بۇل ءبىزدىڭ كوپتەگەن فەرمەرلەرىمىزدىڭ جالعىز كۇنكورىسى. ءبىر سىرا ءۇشىن ولتىرىلگەن جىگىتكە نازار اۋدارۋدى سۇرايمىز. 14 جاسار قىزدى ەكى نەمەرە اعاسى زورلاعان جايتقا نازار اۋدارۋدى سۇرايمىز. ءبىز سىزدەن ءبارىبىر جەتە المايتىن فەمينيستەر مەن لەسبيانكالاردى قۋعىنداۋدان گورى ناقتى جانە وزەكتى پروبلەمالارعا نازار اۋدارۋىڭىزدى سۇرايمىز. نەگە جەتە المايسىز? ويتكەنى ءبىز قازاقستان رەسپۋبليكاسىنىڭ كونستيتۋتسياسى مەن زاڭدارىن ساقتايمىز. سەبەبى ءبىز ايەلدەردىڭ قۇقىقتارى تۋرالى ايتىپ وتىرمىز. نەلىكتەن ءبارى «ولار ەكولوگيامەن جاسىرىنىپ وتىر» دەيدى. جوق, بۇل ءبىزدىڭ كوتەرگەن تاقىرىبىمىز ەدى, ول بۇرىننان بولعان, وعان ەشكىم نازار اۋدارماعاندقتان, ءبىز بۇل تاقىرىپتى كوتەرەمىز. ءبىز كاسپيدىڭ قالاي جويىلىپ جاتقانى تۋرالى ايتىپ ءجۇرمىز. ءبىز قالادا قانداي اۋامەن دەم الامىز, قانداي سۋ ىشەتىنىمىز تۋرالى ايتىپ وتىرمىز. ءبىز وسى ماسەلەلەردى كوتەرەتىن بارلىق ەكولوگيالىق بەلسەندىلەرگە قوسىلامىز, – دەدى جانار سەكەرباەۆا.
ايتا كەتەيىك, ەگەر «فەمينيتا» ەكسترەميست دەپ تانىلسا, ونىڭ مۇشەلەرى KZ اۋماعىنداعى قىزمەتى ءۇشىن ناقتى مەرزىمگە كەسىلەدى. ولاردى قارجىلاندىرۋعا بولمايدى.
