فەمينيتا» ۇيىمىنىڭ بەلسەندىسى جانار سەكەرباەۆا قاماۋعا الىندى

الماتى سوتى “فەمينيتا» ۇيىمىنىڭ تەڭ قۇرىلتايشىسى جانار سەكەرباەۆانى وتكەن جىلدىڭ مامىر ايىندا وتكەن شەرۋ ءۇشىن 10 تاۋلىككە قاماۋعا الىندى, دەپ حابارلايدى qandastar.kz

الماتى سوتى سەكەرباەۆانى اكىمشىلىك قۇقىق بۇزۋشىلىقتار تۋرالى كودەكسىنىڭ 488-بابىنىڭ 7-بولىگىن بۇزدى دەپ تانىپ, ونى 10 تاۋلىككە قاماۋعا الۋ تۋرالى شەشىم شىعاردى. بۇل شەشىم 2024 جىلدىڭ 13 مامىرىندا وتكەن شەرۋگە قاتىستى.

ول كەزدە “فەمينيتا» بەلسەندىلەرى ۇلتتىق ەكونوميكا ەكس-ءمينيسترى قۋاندىق بيشىمباەۆتىڭ سالتانات نۋكەنوۆانى ولتىرگەنى ءۇشىن ءومىر بويىنا باس بوستاندىعىنان ايىرۋدى تالاپ ەتىپ, شەرۋگە شىققان ەدى. وسى نارازىلىقتان ەكى كۇن وتكەن سوڭ ۇيىمنىڭ تاعى ەكى بەلسەندىسىنە ايىپپۇل سالىنعان بولاتىن.

سەكەرباەۆانىڭ ادۆوكاتى عالىم نۇرپەيسوۆ سوتتا بۇل مارشتى ۇيىمداستىرعانى ءۇشىن گۇلزادا سەرجان جاۋاپكەرشىلىككە تارتىلعانىن العا تارتىپ, نەگە تاعى دا جانار سەكەرباەۆاعا ۇيىمداستىرۋشى رەتىندە جازا قولدانىلىپ جاتقانىن سۇرادى.

«ازاماتشا ادەيى شەرۋ وتكىزۋگە شىعىپ, اكىمدىك ورگاندارىن, پوليتسيا قىزمەتكەرلەرىن حاباردار ەتپەگەن. بۇل قوعامدىق ءتارتىپتى بۇزۋ», – دەدى پوليتسيا قىزمەتكەرى.

ءوز كەزەگىندە جانار سەكەرباەۆا ءوزىنىڭ جىنىستىق باعدارىنا بايلانىستى قۋدالانعانىن ايتتى.

«سالتاناتتى سەگىز ساعات بويى اياۋسىز ولتىرگەندەرىن, ەشكىمنىڭ ونى قۇتقارماعانىن ەسىمە ءتۇسىرىپ وتىرمىن. مەن شەرۋدى ۇيىمداستىرعان جوقپىن, تەك قانا قايعىلارىن بولىسكىسى كەلگەندەردىڭ قاتارىنا قوسىلدىم. ەلدە فەميتسيد بولىپ جاتىر», – دەدى ول سوتتا.