Jańalyqtar
Ferroqorytpa zaýytynda zardap shekkenderdiń biri qaıtys boldy
Foto: Mýhtor Holdorbekov/ Kazinform
Qaraǵandyda ferroqorytpa zaýytynda tótenshe jaǵdaı kezinde zardap shekken 31 jastaǵy qyzmetker alǵan jaraqattardyń saldarynan qaıtys boldy, dep habarlaıdy Kazinform agenttiginiń tilshisi.
Zardap shekkenderdiń biri qaıtys bolǵany týraly qaıǵyly jańalyqty Qaraǵandy oblysynyń Densaýlyq saqtaý basqarmasy málimdedi.
«Dárigerlerdiń salǵan barlyq kúsh-jigerine qaramastan, Qaraǵandy ferroqorytpa zaýytynda zardap shekken qyzmetkerlerdiń birin ólim aýzynan arashalap qalý múmkin bolmady. 1993 jyly týǵan er adamnyń denesin 85% tereń kúıik shalǵan. Osy ýaqytqa deıin bul naýqas óte aýyr jaǵdaıda bolyp, búgin qaıtys boldy», – dep habarlady basqarmadan.
Qalǵan bes zardap shekken adamnyń jaǵdaıy áli de óte aýyr. Eki naýqas reanımaııa bóliminde.
Esterińizge sala keteıik, 20 shildede Qaraǵandyda ferroqorytpa zaýytynyń peshinde kenetten jalyn shyqty. TJ saldarynan kásiporynnyń segiz qyzmetkeri zardap shekti. Olar Professor H. J. Maqajanov atyndaǵy kópsalaly aýrýhanasyna jatqyzyldy.
QR Densaýlyq saqtaý Mınıstrliginiń tapsyrmasy boıynsha qosymsha medıınalyq kómek kórsetý úshin Qaraǵandyǵa Akademık N. D. Bátpenov atyndaǵy Ulttyq Travmatologııa jáne ortopedııa ǵylymı ortalyǵynyń dırektory Oljas Bekarysov bastaǵan qyzmetkerler toby keldi.
