جاڭالىقتار
فەرروقورىتپا زاۋىتىنداعى اپاتقا كىنالى انىقتالدى
فوتو: اشىق دەرەككوز
كوميسسيا مۇشەلەرى تەحنيكالىق قۇجاتتامانى, وقيعا بولعان جەردى تەكسەرۋ ناتيجەلەرىن, ساراپتاما ۇيىمىنىڭ قورىتىندىسىن زەردەلەگەننەن كەيىن وسىنداي قورىتىندىعا كەلدى, – دەپ حابارلايدى qandastar.kz
«كاسىپورىندا تراۆماتيكالىق فاكتورلاردىڭ اسەر ەتۋىنىڭ الدىن الۋ بويىنشا شۇعىل شارالاردى ءتيىستى دەڭگەيدە قابىلداماعانى, قاۋىپسىز ەڭبەك جاعدايلارى مەن قىزمەتكەرلەردىڭ ەرەجەلەردى, نۇسقاۋلاردى جانە تەحنولوگيالىق ءتارتىپتى ساقتاۋىن باقىلاۋ ەلەمەنتتەرىن ءتيىستى تۇردە جاساماعانى انىقتالدى», – دەلىنگەن ەڭبەك مينيسترلىگىنىڭ حابارلاماسىندا.
تەرگەۋ ناتيجەسى كىنالىلەردى جاۋاپكەرشىلىككە تارتۋ ءۇشىن قۇقىق قورعاۋ ورگاندارىنا بەرىلەدى.
ەستەرىڭىزدە بولسا, 20 شىلدەدە قاراعاندى فەرروقورىتپا زاۋىتىندا جالىن شىققان ەدى. سالدارىنان 8 ادامنىڭ دەنەسىن كۇيىك شالىپ, 4 ادام قايتىس بولعان ەدى.
