فەرروقورىتپا زاۋىتىنداعى اپاتتان زارداپ شەككەن تاعى ەكى جۇمىسشى قايتىس بولدى

فوتو: اشىق دەرەككوزدەن

قاراعاندىداعى فەرروقورىتپا زاۋىتىندا بولعان اپات سالدارىنان ەكى جۇمىسشى اۋرۋحانادا كوز جۇمدى. بۇل تۋرالى Stan.kz اقپارات اگەنتتىگى حابارلايدى.

قاراعاندى وبلىسىنىڭ دەنساۋلىق ساقتاۋ باسقارماسىنىڭ مالىمەتىنشە, تاعى ەكى ادام ەسىن جيماستان اۋرۋحاندا قايتىس بولدى.

«ينتەنسيۆتى رەانيماتسيالىق شارالاردان كەيىن 1981 جانە 1987 جىلى تۋعان ەكى ناۋقاس ءوز-وزىنە كەلمەستەن كوز جۇمدى.»دارىگەرلەر ولاردىڭ ءومىرىن ساقتاپ قالۋ ءۇشىن سوڭىنا دەيىن كۇرەستى», – دەلىنگەن حابارلامادا.

وسىدان ەكى كۇن بۇرىن 32 جاستاعى پەش مەڭگەرۋشىسى پەش مەڭگەرۋشىسى يسمايلوۆ مۇزافار يمانتاي ۇلى مەن تەحنولوگ قازكەن ەرۇلان قايىربەك ۇلى دەنەسىنىڭ كوپ بولىگىن كۇيىك شالعاننان قايتىس بولعان ەدى.

ەسكە سالايىق, 20 شىلدەدە قاراعاندى فەرروقورىتپا زاۋىتىندا توتەنشە جاعداي بولىپ, 8 جۇمىسشى ءارتۇرلى دارەجەدە جاراقات العانىن جازعان ەدىك. اتالعان دەرەك بويىنشا قىلمىستىق ءىس قوزعالىپ, ارنايى كوميسسيا دا قۇرىلعان.