«فيگۋراسى تۇك سايكەس ەمەس»: پوديۋمعا شىققان قايرات نۇرتاستىڭ قىزى سىنعا قالدى

ءسان كورسەتىلىمىنە قاتىسقان قايرات نۇرتاستىڭ قىزى الاۋ نۇرتاستىڭ پوديۋمعا شىققان ءساتى قىزۋ تالقىلانىپ جاتىر, دەپ حابارلايدى Qandastar.kz اقپارات پورتالى. 

ءىس-شارانى سانگەر نازىم قارپىقوۆا ۇيىمداستىرىپ, ول ءوزىنىڭ جاڭا توپتاماسىن ۇسىندى. پوديۋمدا وتاندىق شوۋ-بيزنەس وكىلدەرى بوي كورسەتتى. ولاردىڭ قاتارىندا ءانشى قايرات نۇرتاستىڭ قىزى الاۋ دا بار.

ونىڭ دەفيلەسى تۇسىرىلگەن ۆيدەو الەۋمەتتىك جەلىلەردە كەڭىنەن تارالىپ ۇلگەردى. دەگەنمەن, جەلى قولدانۋشىلارى الاۋدىڭ وبرازى مەن دەنە پىشىنىنە قاتىستى ءتۇرلى پىكىر بىلدىرۋدە. كوپشىلىك ونىڭ ءستيلىن دە, سىرت كەلبەتىن دە ۇناتپاعان سىڭايلى.

“مىناداي فيگۋرامەن مەن دە مودەل بولار ەدىم عوي”, “اۋزى قيسىق بولسا دا بايدىڭ بالاسى سويلەسىن دەگەن وسى”, “اقشاڭ بولسا, وكوروچكا بولماق تۇگىلى ستراۋس بولساڭ دا بولا بەرەدى”, “فيگۋراسى تۇك سايكەس ەمەس”, “مىنانىڭ قاسىندا شەشەسىنىڭ فيگۋراسى قىزداي عوي”, — دەدى ولار.