Fotoǵa túsemin dep ózenge batyp ketken: Túrkistan oblysynda 16 jastaǵy qyz izdestirilip jatyr

Foto: Túrkistan oblysy TJD

Túrkistan oblysy Tótenshe jaǵdaılar departamenti qutqarýshylary 16 jastaǵy qyzdy izdep jatyr, – dep habarlaıdy Massaget.kz tilshisi.

Departament málimetinshe, 28 shildede saǵat 10:41-de Túrkistan oblysy TJD kezekshi pýltine «Saıram-О́gem» aýmaǵyna Qasqasý aýylynan 15 shaqyrym qashyqta, Saıram-sý taýly ózeninde saǵat 10:00-de qyz sýǵa batyp ketkeni týraly aqparat túsken. Dostarynyń aıtýynsha, ol fotosessııa jasaý kezinde abaısyzda ózenge qulaǵan.

Izdestirý qutqarý jumystaryna Túrkistan oblysy TJD 37 qyzmetkeri, 1 júzý quraly jáne 4 tehnıkasy, Túrkistan oblysy PD 6 qyzmetkeri jáne 3 tehnıkasy, jergilikti atqarýshy organdardan 11 qyzmetker jumyldyryldy.

«Túrkistan oblysynyń TJD azamattardy sýdaǵy qaýipsizdik erejelerin saqtaýǵa shaqyrady», – dep jazylǵan habarlamada.