فۋتبولشى ديماش قاشكەن ايىنا 10 ميلليون تەڭگە جالاقى الاتىنىن ايتتى

فوتو: meta-ratings.kz

فۋتبولشى ديماش قاشكەن قازاق فۋتبول كلۋبىنداعى الاتىن جالاقى مەن قازىرگى فۋتبولدىڭ جاي-كۇيىن ايتىپ بەردى. بۇل تۋرالى Stan.kz اقپارات اگەنتتىگى حابارلايدى.

Aissaule Bakytbek-Kaidarova youtube-ارناسىنا بەرگەن سۇحباتىندا الا دوپ شەبەرى ءار كەزەڭدە جالاقىسى ءارتۇرلى بولعانىن ايتتى.

“تابىستى نەگىزى ايتپايدى عوي. بىراق از بەرەدى دەپ ايتا المايمىن. ايىنا 10 ميلليون, كەيدە 15-20 ميلليونعا دەيىن بەرىپ جاتادى. جاس فۋتبولشىلاردىڭ ىشىندە 1 ملن تەڭگە الاتىندار بار. بىراق مەن تەك دوپ تەۋىپ قانا كۇن كورىپ وتىرعان جوقپىن. سەرىكتەسىم ەكەۋمىز قىتاي مەن رەسەيدەن تەلەفون اكەلىپ ساتامىز. جەتكىزۋشىلەر جاقسى باعا ۇسىنعاسىن, كەلىسىم بەردىك. نەگىزى تابىسىم دەپ وسى بيزنەسىمدى ايتا ەدىم”, – دەدى فۋتبولشى. 

سونىمەن قاتار سپورت سالاسىنىڭ وكىلى, قازاق فۋتبولىنىڭ نە ءۇشىن دامىماي جاتقانىنا دا اناليز جاساپ كوردى.

«قازاقستاندا فۋتبولدىڭ دامۋ دەڭگەيى وتە تومەن. قيىن جاعدايدا تۇر دەسەم دە بولادى. سوندىقتان بىردەن شەتەلگە شىققان دۇرىس. جىل وتكەن سايىن قازاقستانداعى فۋتبولدىڭ دەڭگەيى تومەندەپ بارادى. قازاقستاندىق, شەتەلدىك فۋتبوليستەرگە جاعداي جاسالماعان. فۋتبولدا جەمقورلىق بار ەكەنىن ءبارى بىلەدى, بىراق ەشتەڭە ىستەمەيدى», – دەدى ول.

ەسكە سالايىق, فۋتبولشى سۇيىكتىسىنە تۇرمىسقا شىعۋ ۇسىنىسىن پاريجدە جاساعان ەدى.