Fýtbolshy Dımash Qashken aıyna 10 mıllıon teńge jalaqy alatynyn aıtty

Foto: meta-ratings.kz

Fýtbolshy Dımash Qashken qazaq fýtbol klýbyndaǵy alatyn jalaqy men qazirgi fýtboldyń jaı-kúıin aıtyp berdi. Bul týraly Stan.kz aqparat agenttigi habarlaıdy.

Aissaule Bakytbek-Kaidarova youtube-arnasyna bergen suhbatynda ala dop sheberi ár kezeńde jalaqysy ártúrli bolǵanyn aıtty.

“Tabysty negizi aıtpaıdy ǵoı. Biraq az beredi dep aıta almaımyn. Aıyna 10 mıllıon, keıde 15-20 mıllıonǵa deıin berip jatady. Jas fýtbolshylardyń ishinde 1 mln teńge alatyndar bar. Biraq men tek dop teýip qana kún kórip otyrǵan joqpyn. Seriktesim ekeýmiz Qytaı men Reseıden telefon ákelip satamyz. Jetkizýshiler jaqsy baǵa usynǵasyn, kelisim berdik. Negizi tabysym dep osy bıznesimdi aıta edim”, – dedi fýtbolshy. 

Sonymen qatar sport salasynyń ókili, qazaq fýtbolynyń ne úshin damymaı jatqanyna da analız jasap kórdi.

«Qazaqstanda fýtboldyń damý deńgeıi óte tómen. Qıyn jaǵdaıda tur desem de bolady. Sondyqtan birden shetelge shyqqan durys. Jyl ótken saıyn Qazaqstandaǵy fýtboldyń deńgeıi tómendep barady. Qazaqstandyq, sheteldik fýtbolısterge jaǵdaı jasalmaǵan. Fýtbolda jemqorlyq bar ekenin bári biledi, biraq eshteńe istemeıdi», – dedi ol.

Eske salaıyq, fýtbolshy súıiktisine turmysqa shyǵý usynysyn Parıjde jasaǵan edi.