Ǵalymdar qaýipti dertti erte anyqtaıtyn test oılap tapty

Samar ýnıversıtetiniń ǵalymdary sozylmaly ókpe aýrýyn (SО́A) qan taldaý arqyly anyqtaıtyn jańa ádis oılap tapty, dep habarlaıdy Qandastar.kz. Bul tásil 90 paıyzdan astam dáldikpen jáne bir saǵattan az ýaqytta nátıje beredi. Diagnostics jýrnalynda jarııalanǵan derekterge súıensek, SО́A – álem boıynsha ólimniń úshinshi sebebi.

DDSU málimetinshe, 2021 jyly osy aýrýdan 3,5 mıllıon adam kóz jumǵan. Dástúrli ádister, mysaly, tynysty ólsheıtin spırometrııa, aýrýdy erte satysynda árqashan anyqtaı almaıdy.

Jańa ádis qan quramyndaǵy ózgeristerdi lazer sáýlesi arqyly zerttep, ókpe qabynýy men zaqymdanýynyń «izderin» tabady.

«Bul saýsaq izi arqyly qylmyskerdi tabýǵa uqsaıdy, tek biz aýrýdyń hımııalyq izine qaraımyz. Lazer qandy teksergende, ókpe aýrýyna tán erekshe ózgeristerdi kórýge bolady», – deıdi Samar ýnıversıtetiniń doenti Lıýdmıla Bratchenko.

Onyń aıtýynsha, ádis respıratorlyq aýrýlardy 92 paıyz dáldikpen, al SО́A men bronhıaldy astmany 61 paıyz dáldikpen ajyratady.

Slndaı-aq ǵalymdardyń aıtýynsha, ádistiń basty artyqshylyǵy – jyldamdyǵy (30 mınýt ishinde nátıje) jáne aýyr proedýralardyń qajet emestigi.

«Bul medıınalyq mekemelerge túsetin júktemeni azaıtyp, dáriger jetispeıtin aımaqtarda dıagnozdy jyldam qoıýǵa múmkindik beredi», – dedi Bratchenko.

Qazir zertteý toby úlgi sanyn kóbeıtip, qan arqyly aýrýdy odan da naqty anyqtaý joldaryn jetildirýde. Zertteýge Reseı men Qytaıdyń medıınalyq ýnıversıtetteri men zertteý ınstıtýttary qatysqan.