Ǵalymjan Mustafaev Oıyn bıznesin jáne lotereıany retteý komıteti tóraǵasynyń orynbasary boldy

«QR Týrızm jáne sport mınıstrligi apparaty basshysynyń buıryǵymen Ǵalymjan Álıakbaruly Mustafaev QR Týrızm jáne sport mınıstrligi Oıyn bıznesin jáne lotereıany retteý komıteti tóraǵasynyń orynbasary qyzmetine taǵaıyndaldy», delingen mınıstrliktiń 2025 jylǵy 13 qańtardaǵy habarlamasynda.

Ǵalymjan Mustafaev 1978 jyly 7 tamyzda Qyzylorda qalasynda dúnıege kelgen. Qoja Ahmet Iasaýı atyndaǵy Halyqaralyq qazaq-túrik ýnıversıtetin (quqyqtaný), «Bolashaq» ýnıversıtetin (ekonomıka) támamdaǵan. Eńbek jolyn 1995 jyly Qyzylorda qalalyq sotynyń sot otyrysynyń hatshysy, sot oryndaýshysy bolyp bastaǵan.

2022-2023 jyldary QR Mádenıet jáne sport mınıstrligi Týrızm ındýstrııasy komıteti Oıyn bıznesin jáne lotereıa qyzmetin úılestirý basqarmasynyń basshysy bolǵan.

2023-2024 jyldary QR Týrızm jáne sport mınıstrligi Týrızm ındýstrııasy komıteti Oıyn bıznesi salasyndaǵy memlekettik qyzmetter basqarmasyna basshylyq etse, 2024 jyldan bastap osy kezeńge Oıyn bıznesin jáne lotereıany retteý komıteti Memlekettik qyzmetter basqarmasynyń basshysy qyzmetin atqardy.

Buǵan deıin Qyzylorda oblysynyń polıııa departamentine jańa basshy taǵaıyndalǵanyn jazǵanbyz.