Rýdnyılyq oqýshy Garvard ýnıversıtetinen shaqyrtý aldy

Rýdnyı qalasynyń Ahmet Baıtursynuly atyndaǵy JBBM túlegi Aıajan Jadıgerova álemdegi eń úzdik joǵarǵy oqý oryndarynyń birinen shaqyrtý aldy. Bul jetistikke jetý úshin ol qajyrly eńbek etip, tildik synaqtan joǵary ball jınady.

Rýdnyılyq oqýshy Aıajan Jadıgerova eki jyl boıy úzdiksiz daıyndaldy. Ol shetelde bilim alýǵa burynnan armandap kelgen. Arman jaı ǵana tátti qııal bolyp qalmasyn dep oqýshy qyz ómir daǵdysyn ózgertti. Aldymen Astana men Almaty qalasyndaǵy shet tilinen bilikti ustazdardy izdep, tildi meńgerýge asyǵady. Úzdiksiz daıyndyqtyń arqasynda SAT, IELTS, TOEFL testin tapsyryp, joǵary upaı jınady. Jaýaby tek sáýir aıynda belgili boldy.

– Daıyndalyp júrgenimdi jarııa etpedim. Árıne, ýaıym boldy. Týǵan-týystaryma tek nátıjesin kórsetemin dep sheshtim. Jaýaby kelgen sátte ata-anamnyń jáne meniń qýanyshymda shek bolmady. Ol kisiler úshin bul kútpegen jańalyq boldy. Testke keletin bolsaq, qıynshylyq boldy dep aıta almaımyn. Oqý baǵdarlamasy basqa bolsa da, eńbektenseń — jaqsy nátıje kórsetesiń. Bastysy, ýaqytty tıimdi paıdalaný kerek. Sondaı-aq, logıkalyq turǵydan oılanýdy qajet etedi. Odan bólek – ózin jaıly yntalandyrý hatyn toltyrý jáne minezdeme jazdyrtý kerek. Ol jerde ózimniń ómirim men qyzyǵýshylyqtarym jaıly baıandap berý kerek, – deıdi talapker.

Búginde Aıajan AQSh eline vıza ázirlep, daıyndyq ústinde. Ol elde 4 jyl bilim alady. Jas rýdnyılyq oqýdy sátti aıaqtaǵan soń atamekenine oralyp, medıa-marketıng salasyna óz úlesin qosýdy josparlap otyr.

Avtor: Sánııa Saqtaǵan