«Garvard pen Oksfordqa daıyndaımyz dedi»: Almatyda júzdegen talapker alaıaqtardyń qurbany boldy

Foto: Vıdeodan skrın

Almatyda Garvard pen Oksfordqa túsemiz degen úmitpen oqýǵa daıyndalǵan júzdegen oqýshy men olardyń ata-analary alaıaqtarǵa aldanyp qaldy. Ata-analardyń aıtýynsha, bir jeke bilim berý ortalyǵy balalaryńyzdy álemniń jetekshi ýnıversıtetterine daıyndaımyz dep ýáde berip, ár oqýdan 1,5 mıllıon teńge kóleminde aqy alǵan, dep jazady qandastar.kz

Alaıda kútpegen jerden oqý ortalyǵy jabylyp, keńselerdiń esikteri mórlengen. Qazir ortalyqtyń basshylary baılanysqa shyqpaı otyr. Bul týraly Stan.kz aqparat agenttigi KTK telearnasyna silteme jasap habarlaıdy.

Qazir oqý ortalyǵynyń keńsesiniń aldynda ata-analar mekeme basshylarymen kezdesýdi talap etip jatyr. Kópbalaly ana Marıam Kostrıgınanyń aıtýynda, olardy akııa arqyly qatysyp jatyr dep aldaǵan.

«Bizge «jolymyz boldy, akııaǵa tústińizder» dedi. Toǵyz aılyq oqý 600 myń teńge bolady dedi. Biz sol somany tóledik. Kúıeýimmen birge nesıe alyp, aqshany berdik. Mamyr aıynan bastap sabaq múlde toqtady. Aqshany qaıtaryp berýdi suraǵanymyzda, esh jaýap almadyq», –dedi Marıam Kostrıgına.

Kóp ata-analar balalaryn IELTS jáne matematıka sabaqtaryna jazdyrǵan. Tipti keıbir ata-analar qosymsha shet tilin (nemis, túrik nemese ıtalıan tilin) tegin úırenýge bolady degen ýádeni estigen.

Ata-ana Dmıtrıı Verıgonyń sózinshe, balalaryna birneshe tildi tegin úırenýge bolady dep sendirgen.

«Bizge aptasyna bes ret IELTS pen matematıka ótedi dedi. Qosymsha bir shet tilin tegin úıretemiz dedi. Biraq ol sabaqtarǵa biz tipti qatysa da almadyq. Qyzymyz shok jaǵdaıynda. Biz qandaı da bir jol izdeýdemiz. Biraq bul aqshany qaıtaramyz dep úmittene almaımyz», – dedi Dmıtrıı Verıgo.

Imanǵalıevter otbasy da aldanyp qalǵan. Olar uldaryn Vengrııa ýnıversıtetine daıyndaý úshin 1,4 mıllıon teńge tólegen. Uly sportty tastap, bar ýaqytyn oqýǵa arnaǵan.

«Ulym – velosporttan sport sheberligine kandıdat. Ony sporttan shyǵaryp, oqýǵa kóndirdik. «Kúnine bes ret sabaq bolady» dedi. Biraq bir aıdan soń Vengrııa ýnıversıtetterine tek 18 jastan keıin ǵana qabyldaıtynyn bildik. Ulym 11-synypta, jasy 17-de. Qazir ol sportsyz da, bilimsiz de qaldy», – dedi Maqpal Muhtarqyzy.

Astanada da osyndaı jaǵdaı qaıtalanyp otyr. Onda da kóptegen ata-ana balasyn oqýǵa daıyndaımyz degen ortalyqqa aqsha tólep, eshteńesiz qalǵan. Almaty men Astanada zardap shekkender sany myńnan asqan. Tipti keıbir muǵalimderge de jalaqy tólenbegen.

Bilim ortalyǵynyń birneshe fılıaly bolǵan. Almatydaǵy eki mekemeniń de esigi mórlengen. Ortalyqtyń basshylary qaıda ekeni belgisiz.

«Mundaı jeke qosymsha bilim berý ortalyqtaryna baqylaý bolǵan emes. Biraq qajet bolsa, bul máseleni depýtattarmen birge kóteremiz. Zań júzinde qarastyrý kerek. Ata-analar sotqa nemese quqyq qorǵaý organdaryna júgine alady», – dedi oqý-aǵartý mınıstri Ǵanı Beısembaev.

Almaty qalasy polıııa departamentiniń resmı ókili Saltanat Ázirbektiń aıtýynsha, aldanǵan ata-analar aryz jazǵan.

«Barlyq aryz bir óndiriske biriktirildi. Abaı aýdany polıııa basqarmasynyń tergeý bólimi QR QK 190-baby boıynsha (asa iri kólemdegi alaıaqtyq) qylmystyq is qozǵady. Qazir tergeý amaldary júrip jatyr. Qylmysqa kináli adamdarǵa qatysty tıisti sharalar qabyldanady», – dedi Saltanat Ázirbek.

Oqý ortalyǵynyń basshylarynyń qaıda ekeni ázirge belgisiz. Ata-analar bul isti sotqa jetkizbek.

Eske salaıyq, buǵan deıin Astanada bilim berý ortalyǵyna mıllıondap aqsha tólegen ata-analar aldanyp qalǵanynaıtyp shý shyǵarǵanyn jazǵan edik. Qazir ortalyq esigi jabyq. Sebebi polıııa mórlep tastaǵan. Ǵımaratty jalǵa berýshiler jaldaý quny aıyna 4,5 mıllıon teńge ekenin aıtady. Al ortalyq ıesi jalǵa berýshilerge áli 6 mıllıon teńge qaryzyn tólemegen. Ortalyqtyń bas dırektorymen de, ondaǵy mamandarmen de baılanysqa shyǵý múmkin bolmaǵan.