گازەتكە دەگەن جاناشىرلىق – ۇلتقا دەگەن جاناشىرلىق

بەلگىلى قالامگەر, حالىقارالىق «الاش» ادەبي سىيلىعىنىڭ يەگەرى امىرە ءارىن مەملەكەت باسشىسى قاسىم-جومارت توقاەۆتىڭ گازەتكە دەگەن جاناشىرلىعى – ۇلتقا دەگەن جاناشىرلىعى ەكەنىن جەتكىزدى,-دەپ حابارلايدى Qandastar.kz

كۇنى كەشە مەملەكەت باسشىسى وتاندىق اقپارات جارشىلارىن قابىلداپ, كەلەلى ءسوز سويلەدى. ءبىز دە وسى سالانىڭ ىشىندە جۇرگەننەن كەيىن, ارىپتەستەرىمىزگە تىلەۋلەس بولىپ وتىردىق. جاقىندا قابىلدانعان «ماسس-مەديا تۋرالى» زاڭعا ەل پرەزيدەنتى قول قويدى. ءوزى ايتقانداي, بۇل قۇندى قۇجات قانا ەمەس, اقپاراتتىق دەربەستىگىمىزدى نىعايتۋعا مۇمكىندىك بەرەتىن ماڭىزدى قادام. ونىڭ ۇستىندە ەلدىڭ ءسوزىن سويلەپ جۇرگەن اعا بۋىن جۋرناليستەر دەپۋتاتتىق, سەناتورلىق ماندات الىپ, بيلىك پەن بۇقاراعا التىن كوپىر بولىپ وتىر, — دەيدى جۋرناليستەر اكادەمياسىنىڭ اكادەميگى.

ونىڭ ايتۋىنشا, قازىر مەملەكەت حالىقپەن ەركىن تىلدەسىپ, اشىق ءارى ناقتى جوبالاردىڭ قولعا الىپ جاتىر. ماسەلەن اەس سالۋدا بىرجاقتى شەشىم قابىلداي سالماي, حالىقپەن كەڭەسە ءپىشىپ, تالقىعا سالىپ, ماڭىزدىلىعىنا ءۇڭىلىپ وتىر.

ءيا, شىنىندا مەملەكەت باسشىسى لۋدومانيانى جويۋ ءۇشىن بىرقاتار پارمەندى باستامالار كوتەردى. وكىنىشكە قاراي, قۇمار ويىنعا قۇلدىققا تۇسكەن ازاماتتاردىڭ قاتارى ازايار ەمەس.

تاعى ءبىر ايتا كەتەتىن جايت, تۇرمىستىق زورلىق-زومبىلىققا توسقاۋىل بولاتىن ارنايى زاڭ كۇشىنە ەنگەنى. قازاق وتباسىنىڭ قالىبىن ساقتاۋ ءۇشىن وسى قۇجاتتىڭ ماڭىزى زور. بۇل رەتتە اقپارات وكىلدەرىنىڭ ءرولى جوعارى. ولار تۇرمىس تاۋقىمەتىن تارتقان, وزىنەن ءالسىزدى كۇشپەن قورقىتقان, وتباسىنىن شىرقىن بۇزعان ءاربىر جاننىڭ جازاسىز قالماۋىنا جول اشتى. قازىر بيلىك تە جۋرناليستەرمەن ساناسا ءتۇستى. مەنىڭشە, مەملەكەت باسشىسىنىڭ گازەتكە دەگەن جاناشىرلىعى, بۇل ۇلتقا دەگەن جاناشىرلىعى. سەبەبى, ۇلت ۇستازى احمەت بايتۇرسىنوۆ «گازەت – حالىقتىڭ كوزى, قۇلاعى ءھام ءتىلى, — دەيدى ءا.ءارىن.