Gazetke degen janashyrlyq – ultqa degen janashyrlyq

Belgili qalamger, halyqaralyq «Alash» ádebı syılyǵynyń ıegeri Ámire Árin Memleket basshysy Qasym-Jomart Toqaevtyń gazetke degen janashyrlyǵy – ultqa degen janashyrlyǵy ekenin jetkizdi,-dep habarlaıdy Qandastar.kz

Kúni keshe Memleket basshysy otandyq aqparat jarshylaryn qabyldap, keleli sóz sóıledi. Biz de osy salanyń ishinde júrgennen keıin, áriptesterimizge tileýles bolyp otyrdyq. Jaqynda qabyldanǵan «Mass-medıa týraly» Zańǵa El Prezıdenti qol qoıdy. О́zi aıtqandaı, bul qundy qujat qana emes, aqparattyq derbestigimizdi nyǵaıtýǵa múmkindik beretin mańyzdy qadam. Onyń ústinde eldiń sózin sóılep júrgen aǵa býyn jýrnalıster depýtattyq, senatorlyq mandat alyp, bılik pen buqaraǵa altyn kópir bolyp otyr, – deıdi Jýrnalıster akademııasynyń akademıgi.

Onyń aıtýynsha, qazir memleket halyqpen erkin tildesip, ashyq ári naqty jobalardyń qolǵa alyp jatyr. Máselen AES salýda birjaqty sheshim qabyldaı salmaı, halyqpen keńese piship, talqyǵa salyp, mańyzdylyǵyna úńilip otyr.

Iá, shynynda Memleket basshysy lýdomanııany joıý úshin birqatar pármendi bastamalar kóterdi. О́kinishke qaraı, qumar oıynǵa quldyqqa túsken azamattardyń qatary azaıar emes.

Taǵy bir aıta ketetin jaıt, turmystyq zorlyq-zombylyqqa tosqaýyl bolatyn arnaıy zań kúshine engeni. Qazaq otbasynyń qalybyn saqtaý úshin osy qujattyń mańyzy zor. Bul rette aqparat ókilderiniń róli joǵary. Olar turmys taýqymetin tartqan, ózinen álsizdi kúshpen qorqytqan, otbasynyn shyrqyn buzǵan árbir jannyń jazasyz qalmaýyna jol ashty. Qazir bılik te jýrnalıstermen sanasa tústi. Menińshe, Memleket basshysynyń gazetke degen janashyrlyǵy, bul ultqa degen janashyrlyǵy. Sebebi, ult ustazy Ahmet Baıtursynov «gazet – halyqtyń kózi, qulaǵy hám tili, – deıdi Á.Árin.