«گەيلەر كوبەيىپ بارا ما?»: بلوگەرلەردىڭ ەرسى قىلىعى حالىقتىڭ اشۋىنا ءتيدى

الەۋمەتتىك جەلىدە بىرنەشە جىگىتتىڭ ءبىر-بىرىمەن قۇشاقتاسىپ, سۇيىسۋگە ۇمتىلعان ۆيدەوسى قىزۋ تالقىعا ءتۇستى, دەپ حابارلايدى Qandastar.kz Skifnews.kz اقپارات پورتالىنا سىلتەمە جاساپ. 

TikTok-تا تاراعان بۇل روليككە جەلى قولدانۋشىلارى نارازى بولىپ, «جاستاردى بۇزاتىن ارەكەت» دەپ ايىپتادى. ينستاگرامدا تانىمال بلوگەر رۇستەم بايازيەۆ تە بەينەجازبانى جاريالاپ, «ءبىر جىنىستىلاردى جارنامالاپ ءجۇر مە, الدە گەي مە?» دەپ اشىق سۇراق قويدى.

ونىڭ ايتۋىنشا, مۇنداي قىلىقتار تويعا شاقىرىلاتىن كەيبىر ونەرپازداردىڭ دەڭگەيىن ايقىن كورسەتىپ وتىر. جەلى قولدانۋشىلارى پىكىرلەرىندە اشۋعا بۋلىعىپ, «ارمياعا جىبەرىپ, ەل قورعاسىن», «قىلىقتارى ايەلدەن دە وتكەن» دەگەن سەكىلدى سىن ايتتى. باسقالارى «جاستار بۇعان ەلىكتەپ ءجۇر» دەپ الاڭداۋشىلىق ءبىلدىردى.

كەيبىرەۋلەر مۇنداي بەينەروليكتەردىڭ قوعامدا اشىق جاريالانۋى ۇلتتىق قۇندىلىقتارعا قايشى ەكەنىن ايتىپ, رەسمي ورگانداردان شارا قولدانۋدى تالاپ ەتۋدە.