Geologııalyq barlaý jumystaryna úzdik álemdik tájirıbeni engizý kerek

Toqaev Almatydaǵy «Ǵylym ordasy» ortalyǵynda ǵalymdarmen kezdesti. Kezdesý barysynda Prezıdent bizdiń ǵylym men bilim dáýirinde ómir súrip jatqanymyzdy atap ótti. Qazaqstannyń gúldenýi úshin biz osy salalardy damytýǵa erekshe kóńil bólýimiz kerek.

«Jańartylatyn energııa kózderin qarqyndy damytý jaǵdaıynda ekonomıkany ártaraptandyrýǵa basa mán berý kerek. «Jasyl» sýtegi óndirisinde áleýetimiz mol. Qazirdiń ózinde bul salada serpindi jobalardy júzege asyrý kózdelgen.

Munaı hımııasynda dástúrli plastık jáne jańa materıaldar sııaqty qosymsha quny joǵary ónimder shyǵarýdy jolǵa qoıý qajet. «Jasyl» ekonomıkanyń damýy akkýmýlıator óndirisine qajetti sırek jáne sırek kezdesetin metaldarǵa suranysty arttyrady. Mysaly, sarapshylardyń baǵalaýynsha, kómirtegi beıtaraptyǵyna qol jetkizý úshin ǵasyr ortasyna qaraı Eýropaǵa qazirgiden 35 ese kóp lıtıı qajet bolady. Bizde osy jáne ózge de metaldardyń mol qory bar. Geologııalyq barlaý jumystarynyń aýqymyn keńeıtip, bul salaǵa úzdik álemdik tájirıbeni engizý qajet.

Mashına jasaý baǵytynyń bolashaǵy zor. Elimizde kólik qurastyratyn birqatar kásiporyn jumys isteıdi. Jergilikti óndiristiń úlesin jáne tehnologııanyń ımportyn arttyrý kerek»,- dedi Qasym-Jomart Toqaev.

Aıta keteıik, 31 mamyrda Memleket basshysy Almatyǵa ushyp kelip, ony megapolıs ákimi Erbolat Dosaev qarsy aldy. Prezıdent áýejaıdyń jańa termınalynda boldy. Termınaldyń ashylýy qarsańynda Memleket basshysyna qurylys barysy týraly baıandalyp, tirkeý, shekaralyq jáne kedendik baqylaý aımaqtary, bagaj bólimshesi tanystyryldy.

Sondaı-aq, Qasym-Jomart Toqaevtyń ǵylymı zııaly qaýym ókilderimen, bıznes toptarymen, birqatar halyqaralyq uıymdardyń basshylarymen kezdesýleri josparlanǵan.