گەرمانيا ەلىمىزگە كومەك بەرۋگە دايىن ەكەندىگىن مالىمدەدى

نەمىس كاسىپكەرلەرى ەلىمىزدە تاسقىننان زارداپ شەككەن تۇرعىندارعا جاردەمدەسۋگە ءازىر.

گەرمانيالىق بيزنەسمەندەر قازاقستان ەلشىلىگىنە تەحنيكالىق جانە گۋمانيتارلىق كومەك كورسەتۋ تۋرالى ۇسىنىس جاسادى. ولار قۇتقارۋشىلارعا سورعى تەحنيكاسى مەن تراكتورلار بەرۋگە نيەتتى. بۇدان بولەك نەمىس كاسىپكەرلەرى بىزدەگى قايىرىمدىلىق قورلارىنا اقشا اۋدارعان. قازىر جەرگىلىكتى بيلىك پەن عىلىمي ينستيتۋتتار اراسىندا سۋ تاسقىنىنا قاتىستى تاجىريبە الماسىپ, بىرلەسكەن زەرتتەۋلەر جۇرگىزۋ بويىنشا كەلىسسوزدەر ءجۇرىپ جاتىر. دەننيس شۆيندت, HMS Bergbau AG كومپانياسىنىڭ باسقارما توراعاسى: «قازاقستانمەن جۇمىس ىستەپ جاتقانىما 3 جىل بولدى. ءبىز پايدالى قازبالاردى بارلاۋ جانە ءوندىرۋ سالالارىنداعى جوبالارمەن اينالىسامىز.

قازاقستانداعى تابيعات اپاتى جايلى بىلەمىز. سەرىكتەس رەتىندە ەلگە كومەكتەسۋ كەرەك دەپ شەشتىك.» الەكساندرا وگنەۆا, Rhenus Logistics كومپانياسىنىڭ شىعىس ەۋروپا جانە ورتالىق ازياداعى جوبالارىنىڭ جەتەكشىسى: «ىنتىماقتاستىق, كومەك, قولداۋ دەگەن سوزدەردى ءجيى ەستيمىز. بىراق وسىنداي قيىن كەزەڭدە عانا ولاردىڭ ماعىناسىن تۇسىنۋگە بولادى.

استانا قالاسىنىڭ اكىمدىگىمەن بايلانىستامىز. ەگەر اكىمدىك دەڭگەيىندە كومەك جينالسا, ءبىزدىڭ كومپانيا ونى سۋ باسقان وڭىرلەرگە جەتكىزىپ بەرۋگە دايىن.»  ۆولفگانگ كروپپ, Svevind Energy Group كومپانياسىنىڭ باس ديرەكتورى: ء«بىزدىڭ كومپانيا قازاقستانمەن جاسىل سۋتەگى سالاسىنداعى جوبالار بويىنشا 2020 جىلدان بەرى جۇمىس ىستەپ كەلەدى.

قازاقستانداعى سۋ تاسقىنى تۋرالى بىلە سالىسىمەن, ءبىز كومەك قورىنا 50 مىڭ ەۋرو اۋداردىق. بۇدان بولەك قازاقستانداعى قىزمەتكەرلەرىمىز سول جاقتا گۋمانيتارلىق كومەك كورسەتىپ جاتىر.»