GERMANIIa ELIMIZGE KО́MEK BERÝGE DAIYN EKENDIGIN MÁLIMDEDI

Nemis kásipkerleri elimizde tasqynnan zardap shekken turǵyndarǵa járdemdesýge ázir.

Germanııalyq bıznesmender Qazaqstan elshiligine tehnıkalyq jáne gýmanıtarlyq kómek kórsetý týraly usynys jasady. Olar qutqarýshylarǵa sorǵy tehnıkasy men traktorlar berýge nıetti. Budan bólek nemis kásipkerleri bizdegi qaıyrymdylyq qorlaryna aqsha aýdarǵan. Qazir jergilikti bılik pen ǵylymı ınstıtýttar arasynda sý tasqynyna qatysty tájirıbe almasyp, birlesken zertteýler júrgizý boıynsha kelissózder júrip jatyr. Dennıs Shvındt, HMS Bergbau AG kompanııasynyń basqarma tóraǵasy: «Qazaqstanmen jumys istep jatqanyma 3 jyl boldy. Biz paıdaly qazbalardy barlaý jáne óndirý salalaryndaǵy jobalarmen aınalysamyz.

Qazaqstandaǵy tabıǵat apaty jaıly bilemiz. Seriktes retinde elge kómektesý kerek dep sheshtik.» Aleksandra Ogneva, Rhenus Logistics kompanııasynyń Shyǵys Eýropa jáne Ortalyq Azııadaǵy jobalarynyń jetekshisi: «Yntymaqtastyq, kómek, qoldaý degen sózderdi jıi estımiz. Biraq osyndaı qıyn kezeńde ǵana olardyń maǵynasyn túsinýge bolady.

Astana qalasynyń ákimdigimen baılanystamyz. Eger ákimdik deńgeıinde kómek jınalsa, bizdiń kompanııa ony sý basqan óńirlerge jetkizip berýge daıyn.»  Volfgang Kropp, Svevind Energy Group kompanııasynyń bas dırektory: «Bizdiń kompanııa Qazaqstanmen jasyl sýtegi salasyndaǵy jobalar boıynsha 2020 jyldan beri jumys istep keledi.

Qazaqstandaǵy sý tasqyny týraly bile salysymen, biz kómek qoryna 50 myń eýro aýdardyq. Budan bólek Qazaqstandaǵy qyzmetkerlerimiz sol jaqta gýmanıtarlyq kómek kórsetip jatyr.»