Germanııanyń iri bankteri Qazaqstandy qoldamaq

Foto: ashyq derekkóz

«Qazaqstannyń Damý Banki» Germanııanyń qarjy ınstıtýttarymen 3 qujatqa qol qoıdy. Sonyń negizinde Deutsche Bank – 200 mln dollar, Landesbank Baden-Württemberg jáne KFW IPEX Bank – 100 mln eýro bóledi, – dep jazady qandastar.kz

Qarajattar eksporttyq mámilelerge, ınfraqurylym men ónerkásip jobalaryn qoldaýǵa baǵyttalady.

«Investıııalardy tartý ınfraqurylym men ónerkásipti qosa alǵanda, ekonomıkanyń negizgi sektorlaryn damytýǵa múmkindik beredi. Bul óz kezeginde qosymsha jumys oryndaryn ashady jáne eldiń eksporttyq áleýetin nyǵaıtady», – dep atap ótti QDB basshysy Marat Elibaev.

Bul qujattarǵa Germanııanyń Federaldy kanleri Olaf Sholtyń resmı sapary aıasynda ótken Qazaqstan-Germanııa bıznes-forýmynda qol qoıylǵan.