Jańalyqtar
Golovkın burynǵy jattyqtyrýshysy Krıstofer Kamachony Qazaqstanǵa shaqyrdy
Foto: QR UOK resmı saıty
Qazaqstan UOK prezıdenti Gennadıı Golovkın burynǵy amerıkalyq jattyqtyrýshysy Krıstofer Kamachony shaqyrdy, dep habarlaıdy qandastar.kz «Adyrna» ulttyq portalyna silteme jasap.
Ulttyq Olımpıada komıtetiniń baspasóz qyzmeti málimetinshe, bul bokstan Qazaqstannyń erler komandasyn Ammandaǵy Azııa chempıonatyna daıyndaý aıasynda jasalǵan. Otandyq boksshylar 30 qarasha men 12 jeltoqsan aralyǵynda Iordanııada rıngke shyǵady.
«Krıstofer Kamacho komanda ornalasqan jerge kelip, Qazaqstan quramasynyń jattyqtyrýshylar shtabyna boksshylardy qurlyq birinshiligine daıyndaýǵa kómektesedi», – delingen habarlamada.
