گرانت: استانادا تالاپكەرلەر الاياققا الدانىپ قالعان

استانادا 34 جاستاعى ەر ادام 20-دان استام تالاپكەردى «گرانت الىپ بەرەمىن» دەپ الداپ, ءىرى كولەمدە اقشا جىمقىرعانى ءۇشىن ۇستالدى, دەپ حابارلايدى qandastar.kz

كۇدىكتى ءوزىن تانىستارى ارقىلى سەنىمدى ەتىپ كورسەتىپ, ماگيستراتۋرا مەن باكالاۆرياتقا «قامتاماسىز ەتەمىن» دەپ ۋادە بەرگەن. تەلەفون ارقىلى كەڭەس بەرىپ, وقۋعا ءتۇسۋدى «كەپىلدەپ», ءىرى سومادا اقشا تالاپ ەتكەن.

تەرگەۋ دەرەگىنشە, جابىرلەنۋشىلەردىڭ ءبىرى وعان ماگيستراتۋراعا «گارانتتالعان» گرانت ءۇشىن 1 ميلليون تەڭگە بەرگەن. قاراجاتتى العان سوڭ كۇدىكتى ءىزىن سۋىتقان.

پوليتسەيلەر ونىڭ جەكە باسىن انىقتاپ, قازىر قاماۋعا الدى. قىلمىستىق ءىس قوزعالدى.

ءىىم مەملەكەتتىك گرانتتار تەك كونكۋرس ارقىلى بەرىلەتىنىن ەسكە سالدى. زاڭسىز جولمەن «گرانت ساتىپ الۋعا» تىرىسقان ارەكەتتەر ازاماتتاردى قارجىلىق شىعىنعا ۇشىراتىپ قانا قويماي, قىلمىستىق جاۋاپكەرشىلىككە دە اكەلەدى.