گرەكياداعى ءورت: قازاقستاندىقتار جازالانا ما?

فوتو: ەل.كز

قازاقستان بيلىگى گرەكيانىڭ گيدرا ارالىنداعى ءورتتى تەكسەرۋگە كومەكتەسۋ تۋرالى ۇندەۋىنە جاۋاپ بەرە مە? اسىرەسە, ەگەر اڭگىمە ىقپالدىلار جايلى بولسا? بۇعان qandastar.kz كوز جۇگىرتىپ شىققان بولاتىن.

«پيرەي پروكۋراتۋراسى گيدرا ارالىنداعى ورتكە سەبەپ بولعان پەرسەفون تۋريستىك ياحتاسىنىڭ بورتىنداعى قازاقستان جولاۋشىلارىنا قاتىستى تەرگەۋدى باستادى. الايدا, ءورت كەزىندە ياحتا بورتىنداعى سەگىز ادامنان تۇراتىن توپ قازاقستانعا ايعاق بەرمەستەن  ورالعان», — دەپ جازادى Forbes Kazakhstan CNN Greece-گە سىلتەمە جاساپ.

گرەكيا بيلىگى قازاقستاننان كومەك سۇراپ وتىر. جۋرناليستەر العان قۇجاتقا سايكەس, ياحتا قوناقتارىنىڭ  ىشىندە وليگارح  دانيار ابىلعازين بار. سونداي-اق تىزىمگە حالىق بانكى باسقارماسىنىڭ ءتورايىمى ءۇمىت شاياحمەتوۆا مەن ولاردىڭ وتباسى مۇشەلەرى دە كىرەدى. بۇل تۋرالى تولىعىراق «ۆلاست» تا  جازدى.

گرەك باق-تارىن شولىپ شىقتىق, وندا تەرگەۋدىڭ باسىندا كوپتەگەن قاتەلىك كەتكەنى ايتىلىپ وتىر.

اقپاراتتارعا سايكەس, ءورت سوندىرۋشىلەر كەمەنى جالعا الۋشىلاردان اۋىزشا جاۋاپ العان. ال ولار وزدەرىنىڭ ورتكە قاتىسى جوعىن, رەيسكە كەشىگەتىندىگىن ايتىپ, كەتىپ قالعان.

بۇل جەردە قاندايدا ءبىر شارا قولدانۋ ءۇشىن پروكۋروردىڭ ارالاسۋى قاجەت ەدى دەيدى دەرەككوز, اتاپ ايتقاندا, ءورت باستالعان جاعالاۋدا تەكسەرۋ جۇرگىزۋ مىندەتتى بولعان دەلىنەدى. بىراق كەش بولسا دا, التى كۇن وتكەننەن كەيىن ءورت سوندىرۋشىلەر پەتاردالاردى, سونداي-اق ياحتادان سۋ بوتەلكەلەرىن تاپقان.

ەندى گرەك پوليتسياسىنىڭ قولىندا ايعاقتار جەتكىلىكتى. تەك ءبىر سۇراق بار, ءبىزدىڭ بيلىك گرەكتەرگە قول ۇشىن سوزا ما, الدە…